JONA 2:1-2

Deel

JONA 2:1-2 Bybel vir almal (ABA)

Jona was binne-in die vis en toe het hy tot sy God die Here gebid. Hy het gesê: “Here, dit het sleg gegaan met my, en toe het ek tot U gebid. U het my gehoor en U het my gehelp. Ek was amper dood en ek het geroep en gevra dat U my moet help. U het my gehoor.

JONA 2:1-2 Afrikaans 1933/1953 (AFR53)

EN Jona het tot die HERE sy God gebid uit die ingewande van die vis en gesê: Uit my benoudheid het ek die HERE aangeroep, en Hy het my verhoor; uit die binneste van die doderyk het ek geroep om hulp — U het my stem gehoor.

JONA 2:1-2 Afrikaans 1983 (AFR83)

Toe bid Jona daar binne-in die vis tot die Here sy God. Jona het gesê: “In my nood het ek tot die Here geroep, en Hy het my gebed verhoor. Diep in die doderyk het ek hulp gevra, en U, Here, het my gehoor.

JONA 2:1-2 Die Bybel 2020-vertaling (AFR20)

Jona het uit die vis se maag tot die HERE sy God gebid. Hy het gesê: “In my nood het ek na die HERE geroep, en Hy het my geantwoord. Uit die ingewande van die •doderyk het ek om hulp geroep, en U het my stem gehoor.

JONA 2:1-2 Contemporary Afrikaans Bible 2023 (CAB23)

Toe het Jona uit die buik van die vis tot die HERE sy God gebid: en gesê: Ek het vanweë my ellende tot die HERE geroep, en Hy het my verhoor; uit die ingewande van die hel het ek geroep, en jy het my stem gehoor.

JONA 2:1-2 Die Boodskap (DB)

Daar binne-in die vis het Jona tot die Here, sy God, gebid: “Toe ek in die nood was, het ek na die Here geroep. Hy het gehoor ek roep na Hom. Van daaronder waar die dooies bly, het ek na Hom geroep om my te help. Hy het dit gehoor.

JONA 2:1-2 Nuwe Lewende Vertaling (NLV)

Jona het uit die ingewande van die vis tot die HERE sy God gebid. Hy het gesê: “In my groot nood het ek die HERE aangeroep en Hy het my geantwoord. Ek het uit die doderyk geroep en U het my gehoor!