JOHANNES 7:41-42

Deel

JOHANNES 7:41-42 Nuwe Lewende Vertaling (NLV)

Ander het gesê: “Hierdie man is die Messias.” En nog ander het gesê: “Die Messias kom tog nie uit Galilea nie? Het die Skrif dan nie gesê dat die Messias uit die nageslag van Dawid en uit Betlehem, die tuisdorp van Dawid, sou kom nie?”

JOHANNES 7:41-42 Bybel vir almal (ABA)

Party mense het gesê: “Hy is die Christus.” Maar ander mense het gesê: “Nee, die Christus sal nie kom nie uit die provinsie Galilea nie. In die Ou Testament is geskryf dat die Messias van die nageslag van Dawid kom. Daar is ook geskryf dat die Messias van Betlehem kom, die dorpie waar Dawid gewoon het.”

JOHANNES 7:41-42 Afrikaans 1933/1953 (AFR53)

Ander het gesê: Hy is die Christus. En ander het gesê: Kom die Christus dan uit Galiléa? Het die Skrif nie gesê dat die Christus uit die geslag van Dawid kom en uit Betlehem, die dorp waar Dawid was nie?

JOHANNES 7:41-42 Afrikaans 1983 (AFR83)

Party het gesê: “Hy is die Christus.” Maar party het gesê: “Die Christus kom tog nie uit Galilea nie? Die Skrif sê mos die Christus kom uit die nageslag van Dawid en uit Betlehem, die dorp waar Dawid was.”

JOHANNES 7:41-42 Die Bybel 2020-vertaling (AFR20)

Ander het gesê: “Hy is die Christus.” Nog ander het gesê: “Die Christus kom tog nie uit Galilea nie? Het die Skrif nie gesê die Christus is uit die nageslag van Dawid en kom uit Betlehem, die tuisdorp van Dawid nie?”

JOHANNES 7:41-42 Contemporary Afrikaans Bible 2023 (CAB23)

Ander het gesê: Dit is die Christus. Maar sommige het gesê: Sal Christus uit Galilea kom? Sê die Skrif nie: Dat Christus uit die geslag van Dawid kom en uit die stad Betlehem waar Dawid was nie?

JOHANNES 7:41-42 Die Boodskap (DB)

“Julle mag so dink, maar ons dink Hy is die Redder self,” het ander hulle opinie gelug. Daar was ook ’n paar beterweters: “Ja, maar Hy kom uit Galilea. Ons almal weet tog dat die Redder nie uit Galilea sal kom nie. Die Bybel self sê vir ons dat die Redder ’n agteragterkleinseun van Dawid sal wees. Dawid kom mos uit Betlehem en dit is baie ver van Galilea af! Hoe verklaar julle dit?”