JOHANNES 10:39-40

Deel

JOHANNES 10:39-40 Afrikaans 1983 (AFR83)

Hulle wou Hom toe weer gevange neem, maar Hy het hulle ontglip. Hy het teruggegaan na die plek oorkant die Jordaan waar Johannes vroeër gedoop het, en daar gebly.

JOHANNES 10:39-40 Die Bybel 2020-vertaling (AFR20)

Hulle het toe weer probeer om Hom te arresteer, maar Hy het uit hulle hande ontglip. Daarop het Hy weer teruggegaan na die plek oorkant die Jordaan waar Johannes tevore gedoop het, en daar vertoef.

JOHANNES 10:39-40 Bybel vir almal (ABA)

Toe het die Jode weer probeer om Jesus te vang, maar hulle kon nie, want Hy het weggegaan. Jesus het weer oor die Jordaan-rivier gegaan, na die plek waar Johannes voorheen die mense gedoop het. Jesus het daar gebly.

JOHANNES 10:39-40 Afrikaans 1933/1953 (AFR53)

Toe het hulle weer probeer om Hom gevange te neem, en Hy het uit hulle hand ontkom. En Hy het weer oor die Jordaan gegaan na die plek waar Johannes eers gedoop het; en Hy het daar gebly.

JOHANNES 10:39-40 Contemporary Afrikaans Bible 2023 (CAB23)

Daarom het hulle weer probeer om hom te neem, maar hy het uit hulle hand ontsnap, En weer weggegaan oorkant die Jordaan na die plek waar Johannes eers gedoop het; en daar het hy gebly.

JOHANNES 10:39-40 Die Boodskap (DB)

Die Joodse leiers sit toe weer aan die polisie om Jesus te vang. Voor hulle hulle egter kom kry, was Jesus al weer weg. Die mense het Hom opgespoor by die plek waar Johannes begin doop het (oos van die Jordaan). Hy is ’n rukkie lank soontoe.

JOHANNES 10:39-40 Nuwe Lewende Vertaling (NLV)

Hulle het weer ’n nuwe poging aangewend om Je-sus te arresteer, maar Hy het hulle ontduik. Hy het weer teruggegaan na die omgewing oorkant die Jordaan waar Johannes aanvanklik gedoop het, en daar oorgebly.