JEREMIA 35:15
JEREMIA 35:15 Bybel vir almal (ABA)
Ek het aangehou om my dienaars, die profete, na julle toe te stuur en Ek het vir julle gesê: ‘Asseblief, julle moet terugkom, elkeen moet terugkom en hy moet die slegte pad los wat hy loop. Julle moet reg lewe en julle moenie ander gode dien nie, dan mag julle aanhou woon in die land wat Ek vir julle en julle voorvaders gegee het. Maar julle het nie geluister na My nie, julle was nie gehoorsaam nie.
JEREMIA 35:15 Afrikaans 1933/1953 (AFR53)
En Ek het na julle gestuur al my knegte, die profete, vroeg en laat, om te sê: Bekeer julle tog elkeen van sy verkeerde weg en maak julle handelinge goed en loop nie agter ander gode aan om hulle te dien nie; dan sal julle bly in die land wat Ek aan julle en julle vaders gegee het. Maar julle het geen gehoor gegee en na My nie geluister nie.
JEREMIA 35:15 Afrikaans 1983 (AFR83)
Ek het vroeg en laat my dienaars die profete na julle toe gestuur om te sê: “Elkeen van julle moet hom van sy verkeerde dade bekeer. Julle mag nie agter ander gode aanloop en hulle dien nie. Julle moet goed doen sodat julle kan bly woon in die land wat Ek aan julle en aan julle voorvaders gegee het.” Maar julle het nie aandag gegee of na My geluister nie.
JEREMIA 35:15 Die Bybel 2020-vertaling (AFR20)
Ek het aanhoudend al my diensknegte, die profete, na julle gestuur om te sê, ‘Draai tog om, elkeen weg van sy verkeerde pad, en doen wat goed is! Moenie agter ander gode aanloop om hulle te dien nie, sodat julle kan bly woon in die land wat Ek aan julle en julle voorouers gegee het.’ Maar julle het nie julle ore oopgemaak en na My geluister nie.
JEREMIA 35:15 Contemporary Afrikaans Bible 2023 (CAB23)
Ek het ook al my knegte, die profete, na julle gestuur, wat vroeg opstaan en hulle stuur en sê: Bekeer julle tog, elkeen van sy verkeerde weg, en maak julle handelinge reg, en loop nie agter ander gode aan om hulle te dien nie, en julle sal woon in die land wat Ek aan julle en aan julle vaders gegee het, maar julle het julle oor nie geneig en na My nie geluister nie.
JEREMIA 35:15 Die Boodskap (DB)
Ek het al hoeveel keer my profete na julle toe gestuur. Hulle het julle gewaarsku om op te hou om slegte goed te doen. Julle moes julle manier van doen verander en ophou om ander gode te aanbid. As julle dit sou doen, sou julle in rus en vrede in hierdie land kon bly.
JEREMIA 35:15 Nuwe Lewende Vertaling (NLV)
“‘Ek het al hoeveel keer my profete na julle toe gestuur om julle te waarsku om op te hou met julle verkeerde dade en om ander gode te aanbid. As julle dit sou doen, sou julle in rus en vrede kon bly in hierdie land wat Ek aan julle en julle voorouers gegee het. Maar julle wou nie na My luister of My gehoorsaam nie.