JESAJA 42:1-3
JESAJA 42:1-3 Afrikaans 1983 (AFR83)
Hier is my dienaar, Ek stel hom aan. Ek het hom uitverkies, hy geniet my guns. Ek laat my Gees op hom kom, hy sal my wil aan die nasies bekend maak. Hy sal nie roep nie, hy sal nie hard skree nie, hy sal nie sy stem op straat laat hoor nie. 'n Geknakte riet sal hy nie afbreek nie, 'n lamppit wat dof brand, sal hy nie uitdoof nie. Hy sal my wil bekend maak soos dit is.
JESAJA 42:1-3 Bybel vir almal (ABA)
Die Here sê: “Hier is my dienaar, Ek hou hom vas, Ek het hom gekies en Ek is lief vir hom. Ek het my Gees in hom laat kom. My dienaar sal vir die volke gaan sê wat Ek wil hê hulle moet doen. Hy sal nie vra dat iemand hom moet help nie, hy sal nie hard praat nie, hy sal nie skree in die straat nie. Hy sal nie 'n riet breek wat klaar stukkend is nie, hy sal nie 'n vlam doodblaas wat dof brand nie. Hy sal seker maak dat almal weet wat Ek wil hê hulle moet doen.
JESAJA 42:1-3 Afrikaans 1933/1953 (AFR53)
DAAR is my Kneg wat Ek ondersteun, my Uitverkorene in wie my siel 'n welbehae het. Ek het my Gees op Hom gelê; Hy sal die reg na die nasies uitbring. Hy sal nie skreeu of uitroep of sy stem op die straat laat hoor nie. Die geknakte riet sal Hy nie verbreek en die dowwe lamppit nie uitblus nie; met getrouheid sal Hy die reg uitbring.
JESAJA 42:1-3 Die Bybel 2020-vertaling (AFR20)
“ Kyk, hier is my dienskneg wat Ek ondersteun, my uitverkorene in wie my binneste vreugde vind. Ek het my Gees op hom laat kom; hy sal reg vir die nasies laat deurbreek. Hy sal nie om hulp roep en nie uitroep nie. Hy sal nie sy stem op straat laat hoor nie. 'n Geknakte riet sal hy nie afbreek nie, 'n dowwe lamppit sal hy nie uitdoof nie; in getrouheid sal hy reg laat deurbreek.
JESAJA 42:1-3 Contemporary Afrikaans Bible 2023 (CAB23)
Kyk, my kneg wat ek ondersteun; my uitverkorenes in wie my siel 'n welbehae het; Ek het my Gees op hom gelê: hy sal oordeel aan die heidene bring. Hy sal nie roep of ophef nie, en nie sy stem op die straat laat hoor nie. 'n Geknakte riet sal hy nie verbreek nie en die rokende vlas nie uitblus nie
JESAJA 42:1-3 Die Boodskap (DB)
Ek het iemand wat vir My werk. Ek help hom. Ek het hom spesiaal gekies. Ek hou baie van hom. Ek het hom die krag gegee om vir die nasies te leer wat reg is. Hy doen dit nie met ’n geskreeu en ’n lawaai nie. Hy gaan nie op straat te kere nie. Hy sal nie iemand wat alreeds op sy knieë is, in die grond in trap nie. Hy sal nie iemand se laaste bietjie hoop vernietig nie. Hy sal eerlik wees wanneer hy sê wat reg is.
JESAJA 42:1-3 Nuwe Lewende Vertaling (NLV)
“Kyk, hier is die dienaar wat Ek ondersteun. Hy is die een wat Ek gekies het en wat my guns geniet. Ek het my Gees op hom laat kom. Hy sal regspreek oor die nasies. Hy sal nie roep of hard skree nie. Hy sal nie sy stem in die openbaar laat hoor nie. Hy sal ’n geknakte riet nie verder afbreek nie. Mense wat dof brand soos ’n lamppit sal hy nie uitdoof nie. Hy sal in opregtheid reg laat geskied.