HEBREËRS 12:10

Deel

HEBREËRS 12:10 Bybel vir almal (ABA)

Want ons pa's het ons vir 'n kort rukkie geleer soos hulle gedink het dit is goed. Maar ons hemelse Vader leer vir ons hier op die aarde omdat dit goed is vir ons en omdat Hy wil hê ons moet gewyd wees, ons moet heilig wees, soos Hy heilig is.

HEBREËRS 12:10 Afrikaans 1933/1953 (AFR53)

Want húlle het ons wel 'n kort tydjie na hulle beste wete getugtig; maar Hy tot ons beswil, sodat ons sy heiligheid kan deelagtig word.

HEBREËRS 12:10 Afrikaans 1983 (AFR83)

Ons vaders het ons wel 'n kort tydjie na hulle goeddunke getug, maar Hy tug ons tot ons beswil sodat ons in sy heiligheid mag deel.

HEBREËRS 12:10 Die Bybel 2020-vertaling (AFR20)

Want hulle het ons vir 'n kort rukkie getug volgens dit wat vir hulle reg gelyk het, maar Hy tot ons beswil, sodat ons deel kan kry aan sy heiligheid.

HEBREËRS 12:10 Contemporary Afrikaans Bible 2023 (CAB23)

Want hulle het ons voorwaar 'n paar dae lank getugtig na hul eie welbehae; maar hy tot ons voordeel, sodat ons deel kan hê aan sy heiligheid.

HEBREËRS 12:10 Die Boodskap (DB)

Ons aardse pa het ons ’n klompie jare grootgemaak so goed hy kon. Soms moes hy ons ook straf. Maar met God is daar soveel meer op die spel.

HEBREËRS 12:10 Nuwe Lewende Vertaling (NLV)

Ons vaders het ons vir ’n kort tydjie gedissiplineer soos hulle dit goedgevind het, maar God doen dit beslis tot ons beswil, met die doel om ons te laat deel in sy heiligheid.