HABAKUK 1:5

Deel

HABAKUK 1:5 Bybel vir almal (ABA)

Die Here het gesê: “Julle moet na die volke kyk. Julle moet na hulle kyk, dan sal julle verbaas wees en nie weet wat om te sê nie. Ek sal nou iets doen, en julle sal dit nie glo wanneer mense dit vir julle vertel nie.

HABAKUK 1:5 Afrikaans 1933/1953 (AFR53)

Aanskou onder die nasies en merk op, en staan verstom, verstom; want Ek gaan iets in julle dae doen wat julle nie sal glo as dit vertel word nie.

HABAKUK 1:5 Afrikaans 1983 (AFR83)

Die Here het geantwoord: Kyk na die ander nasies: julle sal verstom staan oor wat julle sien. Ek gaan nog tydens julle lewe iets doen wat julle nie sal glo as dit vir julle vertel word nie.

HABAKUK 1:5 Die Bybel 2020-vertaling (AFR20)

“ Kyk na die nasies en let op; wees verslae, verstom; want daar gaan iets in julle dae gebeur; julle sal dit nie glo as dit vertel word nie!

HABAKUK 1:5 Contemporary Afrikaans Bible 2023 (CAB23)

Kyk, julle onder die heidene, en aanskou en verwonder julle wonderlik, want Ek sal 'n werk in julle dae doen wat julle nie sal glo nie, al word dit vir julle gesê.

HABAKUK 1:5 Die Boodskap (DB)

Die Here het toe vir die mense van Juda gesê: Hou ’n bietjie die ander volke om julle dop. Ek het binnekort ’n groot verrassing vir julle. As iemand julle daarvan sou vertel het, sou julle hom nie geglo het nie.

HABAKUK 1:5 Nuwe Lewende Vertaling (NLV)

Die HERE het geantwoord: “Kyk na die nasies en staan verbaas! Let op en staan verstom! Ek doen iets in jou leeftyd, iets wat jy nie sou glo as iemand anders jou dit vertel nie.