ESEGIËL 2:2-3
ESEGIËL 2:2-3 Die Boodskap (DB)
Toe ek die stem hoor, het dit gevoel of ek regop geruk word. Ek het besef dat dit die Gees van die Here was wat oor my gekom het. Ek het krag gekry om regop voor die troon te gaan staan. Toe het ek goed na die Here se stem geluister. Hy het gesê: “Mens, Ek stuur jou na die nasie, na Israel toe. Dit is ’n nasie wat aanhoudend teen My in opstand kom. Hulle oupagrootjies en oupas het van die begin af al teen My in opstand gekom. En vandag is die volk Israel steeds in opstand teen My.
ESEGIËL 2:2-3 Nuwe Lewende Vertaling (NLV)
Die Gees het oor my gekom terwyl Hy gepraat het en my op my voete geplaas. Ek het sorgvuldig na sy woorde geluister. “Mensekind,” het Hy gesê, “Ek stuur jou na die volk Israel toe, ’n nasie wat teen My rebelleer. Hulle voorouers het al van die begin af teen My gerebelleer, en hulle is steeds tot vandag toe in opstand teen My.
ESEGIËL 2:2-3 Bybel vir almal (ABA)
Terwyl Hy praat, het die Gees in my gekom en my regop laat staan. Ek het gehoor die Persoon praat met my. Hy het vir my gesê: “Mens, Ek stuur jou na die Israeliete toe. Hulle is 'n opstandige volk wat ongehoorsaam is aan My. Hulle en hulle voorvaders wou nie luister na My nie, tot vandag toe.
ESEGIËL 2:2-3 Afrikaans 1933/1953 (AFR53)
En die Gees het in my gekom sodra Hy met my gespreek het, en my op my voete laat staan; en ek het Hom gehoor wat met my gespreek het. Hy sê toe vir my: Mensekind, Ek stuur jou na die kinders van Israel, na die opstandige nasies wat teen My opgestaan het; hulle en hul vaders het teen My oortree tot hierdie selfde dag toe.
ESEGIËL 2:2-3 Afrikaans 1983 (AFR83)
Terwyl Hy met my praat, kom die Gees in my en laat my regop staan. Ek het die stem met my hoor praat. Hy het vir my gesê: “Mens, Ek stuur jou na die Israeliete toe, 'n opstandige nasie wat teen My in opstand gekom het. Hulle en hulle voorvaders het hulle teen My verset tot op hierdie dag toe.
ESEGIËL 2:2-3 Die Bybel 2020-vertaling (AFR20)
'n Gees het oor my gekom terwyl Hy met my praat, en dit het my regop laat staan. Ek hoor toe iemand praat met my. Hy het vir my gesê: “Mensekind, Ek stuur jou na die Israeliete toe, na daardie rebelse nasies wat teen My in opstand gekom het. Hulle en hulle voorouers het teen My oortree tot op die dag van vandag.
ESEGIËL 2:2-3 Contemporary Afrikaans Bible 2023 (CAB23)
En die gees het in my gekom toe hy met my gespreek het, en my op my voete laat staan het, dat ek hom gehoor het wat met my gespreek het. En Hy het vir my gesê: Mensekind, Ek stuur jou na die kinders van Israel, na 'n opstandige nasie wat teen My in opstand gekom het; hulle en hulle vaders het teen My oortree tot vandag toe.