ESEGIËL 13:6
ESEGIËL 13:6 Bybel vir almal (ABA)
Die profete sê dinge wat Ek nie vir hulle gewys het nie, hulle sê hulle weet dinge wat ander mense nie kan weet nie, maar hulle lieg. Hulle sê ‘Die Here het dit gesê,’ maar die Here het hulle nie gestuur nie. En dan dink hulle die dinge sal gebeur wat hulle gesê het.
ESEGIËL 13:6 Afrikaans 1933/1953 (AFR53)
Hulle het nietigheid gesien en leuenagtige waarsêery, hulle wat daar sê: Die HERE het gespreek — terwyl die HERE hulle nie gestuur het nie; en dan wag hulle op vervulling van die woord!
ESEGIËL 13:6 Afrikaans 1983 (AFR83)
Hulle het gesigte gesien wat nie daar was nie en hulle waarsêery is leuens. Hulle sê: ‘Die Here sê’ al het Hy hulle nie gestuur nie, en dan verwag hulle dat Hy moet laat uitkom wat hulle sê.
ESEGIËL 13:6 Die Bybel 2020-vertaling (AFR20)
Hulle visioene is vals, 'n leuenagtige voorspelling, hulle wat telkens sê, ‘Dit is die uitspraak van die HERE.’ Die HERE het hulle egter nie gestuur nie. En dan wag hulle nog dat die woord vervul sal word!
ESEGIËL 13:6 Contemporary Afrikaans Bible 2023 (CAB23)
Hulle het nietigheid en leuenagtige waarsêery gesien wat gesê het: Die HERE spreek, en die HERE het hulle nie gestuur nie; en hulle het ander laat hoop dat hulle die woord sou bevestig.
ESEGIËL 13:6 Die Boodskap (DB)
Nee, in plaas daarvan om julle op te bou, het hierdie mense vir julle gelieg. Hulle het gesê: ‘Wat ons vir julle sê, kom direk van die Here af!’ Maar die Here het nooit met hulle gepraat nie, en Hy het niks vir hulle gesê nie. En tog verwag hulle dat die Here sal doen wat hulle sê!