EKSODUS 29:44-46
EKSODUS 29:44-46 Die Bybel 2020-vertaling (AFR20)
Ek sal die Tent van Ontmoeting en die altaar heilig. Aäron en sy seuns sal Ek heilig om vir My as priesters op te tree. Ek sal onder die Israeliete vertoef en vir hulle 'n God wees. Hulle sal weet dat Ek die HERE hulle God is, wat hulle uit Egipteland gelei het om onder hulle te vertoef. Ek is die HERE hulle God.”
EKSODUS 29:44-46 Bybel vir almal (ABA)
Ek sal die tent wy waar Ek aan julle verskyn en ook die altaar. Ek sal ook vir Aäron en sy seuns wy sodat hulle my priesters kan wees. Ek sal tussen die Israeliete woon en Ek sal hulle God wees. Hulle sal dan besef dat Ek hulle God die Here is wat hulle vry uit Egipte laat weggaan het sodat Ek tussen hulle kan woon. Ek is hulle God die Here.”
EKSODUS 29:44-46 Afrikaans 1933/1953 (AFR53)
So sal Ek dan die tent van samekoms en die altaar heilig. Ek sal Aäron en sy seuns ook heilig om vir My die priesteramp te bedien. En Ek sal onder die kinders van Israel woon en vir hulle 'n God wees; en hulle sal weet dat Ek die HERE hulle God is wat hulle uit Egipteland uitgelei het om in hulle midde te woon. Ek is die HERE hulle God.
EKSODUS 29:44-46 Afrikaans 1983 (AFR83)
Ek sal die tent van ontmoeting en die altaar heilig en ook vir Aäron en sy seuns om My as priesters te dien. Ek sal tussen die Israeliete woon en hulle God wees. So sal hulle besef dat Ek, die Here, hulle God is wat hulle uit Egipte bevry het om tussen hulle te woon. Ek is die Here hulle God!”
EKSODUS 29:44-46 Contemporary Afrikaans Bible 2023 (CAB23)
En Ek sal die tent van samekoms en die altaar heilig; Ek sal ook Aäron en sy seuns heilig om My in die priesteramp te bedien. En Ek sal onder die kinders van Israel woon en vir hulle 'n God wees. En hulle sal weet dat Ek die HERE hulle God is wat hulle uit Egipteland uitgelei het, dat Ek onder hulle kan woon: Ek is die HERE hulle God.
EKSODUS 29:44-46 Die Boodskap (DB)
Ek sal die tent van ontmoeting en die altaar die plekke maak wat vir My eenkant gesit is. Ek sal Aäron en sy seuns uitsonder van die res en hulle vir My as my priesters laat werk. My tent sal tussen die Israeliete staan. Ek sal hulle God wees wat tussen hulle woon. Hulle sal erken dat dit Ek was, die Here hulle God, wat hulle uit Egipte laat wegtrek het om saam met hulle te woon. Ek is die Here hulle God.”
EKSODUS 29:44-46 Nuwe Lewende Vertaling (NLV)
Ek sal die tabernakel en sy altaar ’n heilige plek maak. Ek sal Aäron en sy seuns vir My heilig as my priesters. Ek sal tussen die Israeliete woon. Ek sal hulle God wees. Hulle sal erken dat Ek die HERE hulle God is. Dit is Ek wat hulle uit Egipte bevry het om saam met hulle te woon. Ek is die HERE hulle God.”