DEUTERONOMIUM 7:3-6
DEUTERONOMIUM 7:3-6 Afrikaans 1983 (AFR83)
Jy mag nie met hulle ondertrou nie: jou dogter mag jy nie aan een van hulle seuns gee nie en vir jou seun mag jy nie een van hulle dogters as vrou vat nie, want hulle sal jou kinders wegrokkel van die Here af en hulle sal ander gode dien. Dan sal die toorn van die Here teen jou ontvlam en Hy sal jou gou uitdelg. “Maar wat jy met die nasies moet doen, is dit: breek hulle altare af, breek hulle klippilare stukkend, kap hulle gewyde pale in stukkies en verbrand hulle afgodsbeelde. Jy is 'n volk wat vir die Here jou God afgesonder is. Vir jou het die Here jou God gekies om uit al die volke op die aarde sy eiendomsvolk te wees.
DEUTERONOMIUM 7:3-6 Bybel vir almal (ABA)
Julle moet ook nie met hulle trou nie. Julle moenie julle dogters vir hulle seuns gee en hulle dogters vir julle seuns neem om te trou nie. As julle dit doen, dan sal julle kinders ophou om die Here te dien en hulle sal ander gode dien. En dan sal die Here kwaad word vir julle en Hy sal julle almal vinnig laat sterf. Maar wat julle moet doen, is dít: Julle moet hulle altare afbreek, julle moet hulle klip-pale stukkend breek, hulle gewyde pale afkap en hulle beelde verbrand. Hoekom? Julle moet dit doen omdat julle die gewyde volk van julle God die Here is. Dit is vir júlle wat julle God die Here gekies het uit die al die volke op die aarde, Hy het júlle gekies om sy eie volk te wees.
DEUTERONOMIUM 7:3-6 Afrikaans 1933/1953 (AFR53)
Jy mag jou ook nie met hulle verswaer nie — jy mag jou dogter nie gee aan sy seun, en sy dogter nie neem vir jou seun nie; want hy sal jou seun van My afvallig maak, sodat hulle ander gode dien en die toorn van die HERE teen julle ontvlam en Hy jou gou verdelg. Maar julle moet met hulle so doen: hulle altare moet julle omgooi en hulle klippilare verbrysel en hulle heilige boomstamme omkap en hulle gesnede beelde met vuur verbrand. Want jy is 'n volk heilig aan die HERE jou God; jou het die HERE jou God uitverkies om uit al die volke wat op die aarde is, sy eiendomsvolk te wees.
DEUTERONOMIUM 7:3-6 Die Bybel 2020-vertaling (AFR20)
Jy mag nie met hulle ondertrou nie. Jou dogter mag jy nie gee aan sy seun en sy dogter mag jy nie vir jou seun as vrou neem nie, want hulle sal jou seun van die HERE afvallig maak, sodat hy ander gode dien. Dan sal die toorn van die HERE teen julle ontbrand en sal Hy jou gou uitdelg. “ Nee, so moet julle met hulle maak: Hulle altare moet julle afbreek, hulle gedenkstene moet julle stukkend slaan, hulle asjeras moet julle stukkend kap en hulle godebeelde moet julle verbrand, want jy is 'n heilige volk vir die HERE jou God. Vir jou het die HERE jou God gekies uit al die volke op aarde om as volk sy persoonlike eiendom te wees.
DEUTERONOMIUM 7:3-6 Contemporary Afrikaans Bible 2023 (CAB23)
Jy mag ook nie met hulle trou nie; jou dogter mag jy nie aan sy seun gee nie, en sy dogter mag jy nie vir jou seun neem nie. Want hulle sal jou seun van my af wegdraai, om ander gode te dien; so sal die toorn van die HERE teen jou ontvlam en jou skielik vernietig. Maar so moet julle met hulle handel; hulle altare moet julle afbreek en hulle beelde afbreek en hulle heilige boomstamme afkap en hulle gesnede beelde met vuur verbrand. Want jy is 'n heilig volk aan die HERE jou God; jou het die HERE jou God uitverkies om vir Hom 'n besondere volk te wees, bo al die volke wat op die aarde is.
DEUTERONOMIUM 7:3-6 Die Boodskap (DB)
Jy mag ook nie oor en weer met hulle trou nie. Jou dogters mag nie met een van die mense se seuns trou nie en jou seuns ook nie met een van hulle dogters nie. Hierdie mense sal jou kinders van die Here af wegrokkel en hulle sal ander gode begin dien. Dan sal die Here kwaad word en Hy sal jou ook uitwis. Jy moet daarom al hierdie mense se altare wat hulle vir hulle afgode gebou het, omgooi, hulle klippilare stukkend breek, hulle heilige pale plattrek en al hulle afgodsbeelde in die vuur gooi. Doen dit, want jy behoort aan die Here. Van al die volke op die aarde het die Here jou gekies en jou sy spesiale eiendom gemaak. Jy moet daarom anders as die ander volke leef.
DEUTERONOMIUM 7:3-6 Nuwe Lewende Vertaling (NLV)
Moenie met hulle ondertrou nie. Moenie toelaat dat jou dogters en seuns met hulle seuns en dogters trou nie. Hulle sal jou jongmense van My af weglei om ander gode te aanbid. Dan sal die woede van die HERE teen jou ontvlam en sal Hy jou vernietig. In plaas daarvan, breek hulle heidense altare af en verwoes hulle heilige klippilare. Kap hulle Asjerapale af en verbrand hulle afgode. Jy is immers ’n heilige volk wat aan die HERE jou God behoort. Die HERE jou God het jou uit al die volke op aarde gekies om sy eiendomsvolk te wees.