2 TIMOTEUS 2:14

Deel

2 TIMOTEUS 2:14 Die Boodskap (DB)

Herinner die gelowiges gedurig aan hierdie dinge. Waarsku hulle met God as getuie dat die stryery oor wat sekere woorde kwansuis sou beteken ’n einde moet kry. Dit bring ’n mens nêrens nie en bou nie dié wat daarna luister op nie, maar breek hulle eerder af.

2 TIMOTEUS 2:14 Bybel vir almal (ABA)

Jy moet aanhou om hierdie dinge vir die gelowiges te sê. Jy moet hulle ernstig waarsku, jy moet vir hulle sê dat God hoor wat jy sê. Jy moet hulle waarsku dat hulle nie met mekaar moet baklei oor woorde nie. Dit help niks wanneer mense so stry nie, en dit is sleg vir die mense wat hoor hoe hulle stry.

2 TIMOTEUS 2:14 Afrikaans 1933/1953 (AFR53)

HERINNER aan hierdie dinge en betuig voor die Here dat hulle geen woordestryd moet voer wat tot geen nut is nie, maar net tot ondergang van die hoorders.

2 TIMOTEUS 2:14 Afrikaans 1983 (AFR83)

Hou aan om die gelowiges aan hierdie dinge te herinner en vermaan hulle ernstig voor God om op te hou stry oor woorde. Dit het geen nut nie en is net skadelik vir die hoorders.

2 TIMOTEUS 2:14 Die Bybel 2020-vertaling (AFR20)

Herinner hulle aan hierdie dinge, en waarsku hulle ernstig voor God om nie te stry oor nuttelose woorde, wat dié wat dit aanhoor, ten gronde rig nie.

2 TIMOTEUS 2:14 Contemporary Afrikaans Bible 2023 (CAB23)

Hieraan moet jy hulle in gedagtenis bring en hulle voor die aangesig van die Here besweer dat hulle nie stry oor woorde sonder nut nie, maar tot die ondergang van die hoorders.

2 TIMOTEUS 2:14 Nuwe Lewende Vertaling (NLV)

Herinner almal aan hierdie dinge, en vermaan hulle in God se Naam om op te hou met ’n bakleiery oor woorde. Sulke argumente is nutteloos en kan die mense ruïneer wat dit aanhoor.