2 TESSALONISENSE 2:4

Deel

2 TESSALONISENSE 2:4 Bybel vir almal (ABA)

Hierdie leier sal teen alles wees wat God doen. Hy sal sê hy is belangriker as God of die gode, belangriker as enige iets wat mense aanbid. Hy sal ook in die tempel van God gaan sit en maak of hy God is.

2 TESSALONISENSE 2:4 Afrikaans 1933/1953 (AFR53)

die teëstander wat hom verhef bo al wat God genoem word of voorwerp van aanbidding is, sodat hy in die tempel van God as God sal sit en voorgee dat hy God is.

2 TESSALONISENSE 2:4 Afrikaans 1983 (AFR83)

Hy sal hom verset teen al wat God genoem word of wat as heilig vereer word, en hy sal hom bo hulle verhef. Hy sal selfs in die tempel van God gaan sit en voorgee dat hy God is.

2 TESSALONISENSE 2:4 Die Bybel 2020-vertaling (AFR20)

die een wat teenstand bied, en hom verhef oor alles wat God of voorwerp van aanbidding genoem word, sodat hy selfs in die •tempel gaan sit en hom as God voordoen.

2 TESSALONISENSE 2:4 Contemporary Afrikaans Bible 2023 (CAB23)

wat hom teëstaan en hom verhef bo alles wat God genoem word, of wat aanbid word; sodat hy as God in die tempel van God sit en homself wys dat hy God is.

2 TESSALONISENSE 2:4 Die Boodskap (DB)

Hy sal dink hy is baie beter as God. Daarom sal hy weier om voor Hom te buig. Maar dis nie al nie. Hierdie goddelose figuur sal voorgee dat hy self God is. Hy sal daar in die tempel waar die mense bymekaarkom om God te aanbid, gaan sit en sê: “Ek is God!”

2 TESSALONISENSE 2:4 Nuwe Lewende Vertaling (NLV)

Hy sal hom verset teen alles wat god genoem word en hom verhef bo alles wat ’n voorwerp van aanbidding is. Sy doel is om in die tempel van God te gaan sit en voor te gee dat hy self God is.