2 KORINTIËRS 6:2

Deel

2 KORINTIËRS 6:2 Bybel vir almal (ABA)

Want God het gesê: “ Toe die tyd reg was vir My, het Ek gehoor hoe jy bid. Ja, toe die dag gekom het, die dag toe Ek jou wou red, het Ek jou gehelp.” Julle moet weet dit is nóú die regte tyd, dit is nóú die dag wanneer God julle wil red.

2 KORINTIËRS 6:2 Afrikaans 1933/1953 (AFR53)

Want Hy sê: In die tyd van die welbehae het Ek jou verhoor, en in die dag van heil het Ek jou gehelp. Kyk, nou is dit die tyd van die welbehae; kyk, nou is die dag van heil.

2 KORINTIËRS 6:2 Afrikaans 1983 (AFR83)

Hy sê: “Op die regte tyd het Ek jou gebede verhoor, en op die dag van redding het Ek jou gehelp.” Kyk, nou is dit die regte tyd, nou is dit die dag van redding.

2 KORINTIËRS 6:2 Die Bybel 2020-vertaling (AFR20)

Want Hy sê: “Op die regte tyd het Ek na jou geluister, en op die dag van verlossing het Ek jou gehelp.” Kyk, nou is die gunstige tyd, kyk, nou is die dag van verlossing!

2 KORINTIËRS 6:2 Contemporary Afrikaans Bible 2023 (CAB23)

(Want Hy sê: Ek het jou verhoor in 'n tyd wat welgevallig is, en op die dag van verlossing het Ek jou ondersteun; kyk, nou is die tyd van welbehae; kyk, nou is die dag van redding.)

2 KORINTIËRS 6:2 Die Boodskap (DB)

Hoor net wat sê Hy in die Bybel: “Op presies die regte oomblik het Ek jou hulpkreet gehoor. Daardie dag toe jy My bitter nodig gehad het, het Ek jou gehelp.” Wel, dit is nou weer sulke tyd. God se tyd van redding is hier. Vandag is die dag! Moenie hierdie geleentheid deur julle vingers laat glip nie.

2 KORINTIËRS 6:2 Nuwe Lewende Vertaling (NLV)

Want Hy sê: “Op die regte tyd het Ek jou verhoor, en op die dag van verlossing het Ek jou gehelp.” Inderdaad – dit is nóú die regte tyd; dit is nóú die dag van verlossing.