2 KORINTIËRS 11:30-31

Deel

2 KORINTIËRS 11:30-31 Bybel vir almal (ABA)

As ek moet spog, dan sal ek daaroor spog dat ek swak is. God weet dat ek nie lieg nie. Hy is die God en Vader van die Here Jesus. Ons moet God altyd prys.

2 KORINTIËRS 11:30-31 Afrikaans 1933/1953 (AFR53)

As daar geroem moet word, sal ek in my swakhede roem. Die God en Vader van onse Here Jesus Christus, geseënd tot in ewigheid, weet dat ek nie lieg nie.

2 KORINTIËRS 11:30-31 Afrikaans 1983 (AFR83)

As daar dan geroem moet word, sal ek roem, maar dan oor my swakhede. Die God en Vader van die Here Jesus weet dat ek nie lieg nie. Aan Hom kom die lof toe tot in ewigheid!

2 KORINTIËRS 11:30-31 Die Bybel 2020-vertaling (AFR20)

As daar dan gespog moet word, sal ek oor my swakhede spog. God, die Vader van die Here Jesus, wat lofwaardig is tot in ewigheid, weet dat ek nie lieg nie.

2 KORINTIËRS 11:30-31 Contemporary Afrikaans Bible 2023 (CAB23)

As ek eer nodig het, sal ek roem oor die dinge wat my swakhede aangaan. Die God en Vader van onse Here Jesus Christus, geseënd tot in ewigheid, weet dat ek nie lieg nie.

2 KORINTIËRS 11:30-31 Die Boodskap (DB)

As ek dan nou oor myself moet spog, sal ek liewer oor al my swakhede spog. Ek lieg nie as ek al hierdie dinge vir julle sê nie. Ons wonderlike God weet dit. Hy is die Vader van ons Here Jesus. Sy Naam moet vir altyd grootgemaak word.

2 KORINTIËRS 11:30-31 Nuwe Lewende Vertaling (NLV)

As daar dan grootgepraat móét word, sal ek spog, maar dan veel eerder oor my swakhede. Die God en Vader van die Here Jesus weet – aan Hom kom die lof toe tot in ewigheid – dat ek nie ’n leuen vertel nie.