2 KRONIEKE 6:41

Deel

2 KRONIEKE 6:41 Bybel vir almal (ABA)

En nou, Here God, moet U kom na die plek waar U wil wees, U en die kis wat vir almal wys dat U sterk is. U priesters moet altyd vertel dat U ons sal red, en die mense wat in U glo, moet altyd bly wees oor die goeie dinge wat U gee.

2 KRONIEKE 6:41 Afrikaans 1933/1953 (AFR53)

Staan dan nou op na u rusplek, HERE God, U en die ark van u sterkte! Laat u priesters, HERE God, met heil bekleed wees, en laat u gunsgenote hulle verheug in die goeie.

2 KRONIEKE 6:41 Afrikaans 1983 (AFR83)

“Kom dan nou na u rusplek toe, Here God, U en u magtige ark. Laat u priesters, Here God, onder die beskerming van u hulp lewe, en laat u troue dienaars hulle verheug in die goeie dinge.

2 KRONIEKE 6:41 Die Bybel 2020-vertaling (AFR20)

“Staan nou op, HERE God, gaan na u rusplek, U en u magtige ark. U priesters, HERE God, laat hulle geklee wees in heil, en u troue volgelinge, laat hulle vreugde vind in die goeie.

2 KRONIEKE 6:41 Contemporary Afrikaans Bible 2023 (CAB23)

Staan dan nou op, HERE God, in u rusplek, U en die ark van u sterkte; laat u priesters, HERE God, beklee word met heil, en laat u gunsgenote juig in die goeie.

2 KRONIEKE 6:41 Die Boodskap (DB)

“Kom, Here, na u rusplek toe. Kom na u ark toe wat wys hoe sterk U is. Laat u priesters net doen wat reg is. Laat die mense wat U dien, van vreugde sing.

2 KRONIEKE 6:41 Nuwe Lewende Vertaling (NLV)

“En nou, HERE God, kom na u rusplek, U en u magtige ark. Mag u priesters, HERE God, geklee wees met redding, en mag u gelowiges juig in u goedheid.