2 KRONIEKE 27:1-2
2 KRONIEKE 27:1-2 Afrikaans 1983 (AFR83)
Jotam was vyf en twintig toe hy koning geword het en hy het sestien jaar in Jerusalem geregeer. Sy ma was Jerusa, 'n dogter van Sadok. Jotam het gedoen wat reg is in die oë van die Here en in alles die voorbeeld van Ussia, sy pa, gevolg, met dié verskil dat hy nie in die tempel van die Here oortree het nie. Die volk het egter met hulle afgodsdiens voortgegaan.
2 KRONIEKE 27:1-2 Bybel vir almal (ABA)
Jotam was 25 jaar oud toe hy koning geword het, en hy was 16 jaar lank koning in Jerusalem. Sy ma was Jerusa dogter van Sadok. Jotam het dinge gedoen waarvan die Here hou, soos sy pa Ussia gedoen het, maar hy het nie soos sy pa in die tempel ingegaan nie. Die volk het nog altyd aangehou om slegte dinge te doen.
2 KRONIEKE 27:1-2 Afrikaans 1933/1953 (AFR53)
JOTAM was vyf-en-twintig jaar oud toe hy koning geword het, en sestien jaar het hy in Jerusalem geregeer; en die naam van sy moeder was Jerúsa, die dogter van Sadok. En hy het gedoen wat reg was in die oë van die HERE net soos sy vader Ussía gedoen het; alleenlik het hy nie in die tempel van die HERE ingegaan nie; en die volk het nog verderflik gehandel.
2 KRONIEKE 27:1-2 Die Bybel 2020-vertaling (AFR20)
Jotam was vyf-en-twintig jaar oud toe hy koning geword het, en hy het sestien jaar lank as koning geheers in Jerusalem. Sy moeder se naam was Jerusa, dogter van Sadok. Hy het gedoen wat reg is in die oë van die HERE, net soos sy vader Ussia gedoen het – hy het net nie die •tempel van die HERE binnegegaan nie. Die volk het hulle egter steeds wangedra.
2 KRONIEKE 27:1-2 Contemporary Afrikaans Bible 2023 (CAB23)
Jotam was vyf en twintig jaar oud toe hy koning geword het, en hy het sestien jaar in Jerusalem geregeer. En die naam van sy moeder was Jerusha, die dogter van Sadok. En hy het gedoen wat reg was in die oë van die HERE, net soos sy vader Ussia gedoen het; maar hy het nie in die tempel van die HERE ingegaan nie. En die mense het nog korrup.
2 KRONIEKE 27:1-2 Die Boodskap (DB)
Jotam was 25 toe hy koning geword het. Hy het sestien jaar lank in Jerusalem regeer. Sy ma was Jerusa, ’n dogter van Sadok. Die Here was tevrede met wat Jotam gedoen het, soos dit met sy pa Ussia die geval was. Jotam het darem nie in die tempel van die Here ingegaan nie. Die volk het egter steeds aangehou om verkeerde dinge te doen.
2 KRONIEKE 27:1-2 Nuwe Lewende Vertaling (NLV)
Jotam was 25 jaar oud toe hy koning geword het en het sestien jaar in Jerusalem regeer. Sy ma was Jerusa, dogter van Sadok. Hy het gedoen wat reg was vir die HERE, net soos sy pa Ussia gedoen het. Maar hy het nie soos sy pa in die tempel van die HERE oortree nie. Nogtans het die volk voortgegaan met hulle afstootlike gebruike.