1 KONINGS 2:3
1 KONINGS 2:3 Die Boodskap (DB)
Doen wat die Here jou God van jou vra. Leef volgens die riglyne wat Hy vir Moses gegee het. Gehoorsaam sy wette en kom al sy voorskrifte na. As jy dit doen, sal dit altyd met jou goed gaan.
1 KONINGS 2:3 Bybel vir almal (ABA)
Jy moet doen wat jou God die Here gesê het. Jy moet lewe soos Hy wil hê, jy moet gehoorsaam wees en jy moet altyd doen wat die Here vir jou sê en leer, soos Moses in die wette geskryf het. Dan sal dit goed gaan met jou, dit sal goed gaan met alles wat jy doen en oral waar jy gaan.
1 KONINGS 2:3 Afrikaans 1933/1953 (AFR53)
en onderhou die ordening van die HERE jou God deur te wandel in sy weë, deur sy insettinge, sy gebooie en sy verordeninge en sy getuienisse te onderhou, soos geskrywe is in die wet van Moses, sodat jy voorspoedig kan uitvoer alles wat jy doen, en alles waartoe jy jou begewe
1 KONINGS 2:3 Afrikaans 1983 (AFR83)
Hou jou aan wat die Here jou God jou voorskryf en lewe daarvolgens. Gehoorsaam sy voorskrifte, sy gebooie, sy bepalings en sy verordenings soos dit opgeskryf is in die wet van Moses. Dan sal jy voorspoedig wees in alles wat jy doen en oral waar jy gaan.
1 KONINGS 2:3 Die Bybel 2020-vertaling (AFR20)
Kom die verpligting na wat die HERE jou God jou oplê. Doen dit deur sy paaie te volg, deur sy vaste voorskrifte, sy gebooie, sy beslissings en bepalings na te kom, soos daar geskryf staan in die Wet van Moses, sodat jy sukses kan behaal in alles wat jy aanpak en oral waarheen jy jou wend.
1 KONINGS 2:3 Contemporary Afrikaans Bible 2023 (CAB23)
En hou die opdrag van die HERE jou God, om in sy weë te wandel, om sy insettinge en sy gebooie en sy verordeninge en sy getuienisse te onderhou, soos geskrywe is in die wet van Moses, sodat jy voorspoedig kan wees in alles wat jy doen, en waarheen jy jou ook al draai
1 KONINGS 2:3 Nuwe Lewende Vertaling (NLV)
Volg die vereistes van die HERE jou God en leef daarvolgens. Wees gehoorsaam aan sy gebooie, bevele, opdragte en bepalings soos dit opgeteken is in die voorskrifte van Moses. Jy sal dan suksesvol wees in alles wat jy doen en waar jy ook al gaan.