1 KONINGS 18:30

Deel

1 KONINGS 18:30 Bybel vir almal (ABA)

Toe het Elia vir al die mense gesê: “Kom nader na my toe.” Hulle het nader gekom. Elia het die altaar van die Here wat stukkend was, weer reggemaak.

1 KONINGS 18:30 Afrikaans 1933/1953 (AFR53)

Toe sê Elía vir die hele volk: Kom nader na my. En die hele volk het nader gekom na hom; en hy het die altaar van die HERE herstel wat afgebreek was.

1 KONINGS 18:30 Afrikaans 1983 (AFR83)

Toe sê Elia vir die hele volk: “Kom staan hier by my,” en hulle het almal by hom gaan staan. Toe het hy die stukkende altaar van die Here weer reggemaak.

1 KONINGS 18:30 Die Bybel 2020-vertaling (AFR20)

Toe sê Elia vir die hele volk: “Kom nader na my toe!” Die hele volk het nader gestaan na hom toe. Hy herstel toe die altaar van die HERE wat afgebreek was.

1 KONINGS 18:30 Contemporary Afrikaans Bible 2023 (CAB23)

Toe sê Elía aan die hele volk: Kom nader na my toe. En die hele volk het nader gekom na hom. En hy het die altaar van die HERE wat afgebreek was, herstel.

1 KONINGS 18:30 Die Boodskap (DB)

Toe het Elia vir hulle gesê: “Kom, staan nader.” Almal het om Elia gaan staan. Hy het die altaar van die Here, wat die Baälprofete beskadig het, eers gou herstel.

1 KONINGS 18:30 Nuwe Lewende Vertaling (NLV)

Toe roep Elia die volk: “Kom nader!” Hulle het almal rondom hom kom staan terwyl hy die altaar van die HERE wat afgebreek was, herstel het.