1 JOHANNES 4:18-19
1 JOHANNES 4:18-19 Afrikaans 1933/1953 (AFR53)
Daar is geen vrees in die liefde nie; maar die volmaakte liefde dryf die vrees buite, want die vrees sluit straf in, en hy wat vrees, het nie volmaak geword in die liefde nie. Ons het Hom lief, omdat Hy ons eerste liefgehad het.
1 JOHANNES 4:18-19 Bybel vir almal (ABA)
Mense wat liefde in hulle harte het, is nie bang nie, want as hulle regtig liefde in hulle harte het, dan kan hulle nie meer bang wees nie. Mense is altyd bang vir straf. Die mense wat bang is dat God hulle sal straf, is die mense wat nie regtig liefde in hulle harte het nie. Ons is lief vir God en vir mekaar, want God was eerste lief vir ons.
1 JOHANNES 4:18-19 Afrikaans 1983 (AFR83)
Waar liefde is, is daar geen vrees nie, maar volmaakte liefde verdryf vrees, want vrees verwag straf, en wie nog vrees, het nie volmaakte liefde nie. Ons het lief omdat God ons eerste liefgehad het.
1 JOHANNES 4:18-19 Die Bybel 2020-vertaling (AFR20)
In die liefde is daar geen vrees nie. Inteendeel, volmaakte liefde dryf die vrees na buite; want vrees het te doen met straf, en wie vrees, het nie volmaak geword in die liefde nie. Ons het lief, omdat Hy ons eerste liefgehad het.
1 JOHANNES 4:18-19 Contemporary Afrikaans Bible 2023 (CAB23)
Daar is geen vrees in liefde nie; maar volmaakte liefde verdryf vrees, want vrees het pyniging. Hy wat vrees, word nie in liefde volmaak nie. Ons het hom lief, omdat hy ons eerste liefgehad het.
1 JOHANNES 4:18-19 Die Boodskap (DB)
Ware, egte liefde verdryf eenvoudig alle vrees. Iemand wat dus nog sulke vrees in hom ronddra, se lewe is nog nie heeltemal deurdrenk met God se liefde nie. En hoekom nie? Want vrees is net heeltyd bekommerd oor die straf wat kan kom. God het ons eerste liefgehad. Daarom kan ons ook nie anders as om lief te hê nie.
