ፍጥ. 22
22
ይስኻቅ ኽትም ያሌ እግዘር የአብርኻም አዘዘንም
1ተዝ እንም ዘንጋ አን እግዘር የአብርኻም ተረንም፤ እግዘርም «አብርኻም!» ባረም ጠናንም፤ አብርኻምም «ዮ» ባረም። 2እግዘርም «ትረድን እማት ትካኸ ይስኻቅ ጥብጥም ሞሪያ ይውሪ ገነ ወር፤ በኽሜ ብናትየሽኸ አት ቈቶ ር ትካኸ ኽትም አሚም አትቀንብኒ» ቧረንም።
3በመረጋታ ቅረረ አብርኻም በሱቢ ተረሳም የኽትም ይኸር እጨ ፈቃም ብማር ር ጫረም፤ ተትም ጋ ትከታ ይስኻቅም ዄት አገልጌመታ ጠበጠም እግዘር ያትየሸን መደር ያሬ ኤማ ቀነሰም።
4በሶስተነ ከረ አብርኻም ተረም ቲያዥ መደረታ በረቌ ትየንም። 5ተኽም አን አብርኻም ያገልጌየታ «አኹ ትማር ጋ በዝም ኧክሶ፤ እያም ትከመና ኽኼ ዌትነ ይእግዘር በሰገድነ አን ንትዘፐነሸ» ባረኖም።
6አብርኻምም የኽትም ኧጨ ነሳም የርቸታ ይስኻቅ አጮረንም፤ ታ ጭን ሰንዳም እሳትም ጠበጠም፤ ዄችመና ቲያሮም ታነቦ፥ 7ይስኻቅ የአብርኻም «አባ!» ቧረንም፤ አብርኻምም «ትከኖ ዮ!» ቧረንም። ይስኻቅም «ዝሙ እሳትም ኧጨም ጠበጥነም፤ ኧጋ የኽትም ይኸር ጤ ኤነረ?» ባረም የአብርኻም ተሳረንም።
8አብርኻምም «ትከኖ! የኽትም ይኸር ጤ እግዘር ገግመታ ያብሸ» ቧረንም፤ ዄችመና እማቴ ኤማና ወሮት ቀነሶም።
9እግዘርም ያትየሸን መደር በሰኖ ግዝየ አብርኻም ኽትም ያትንው መደር ሸከተም ኧጨም በረታ አወናም፤ ትከመታ ይስኻቅ አገደም ተጨታ በር ኽትም ቢያትንው መደር ጐተረንም። 10ትከመታ ያርጤ ሰንዳ ነሳም ኧጀታ ዝራካም፤ 11የኽርምታነ ይእግዘር መሌክ ተሰሜ «አብርኻም! አብርኻም!» ባረም ጠናንም።
አብርኻምም «ዮ!» ባረም።
12መሌክምታ «ትከታ አትንግድ፤ ሟኒም ኤነት ዳት አታስራወ፤ እግዘር ትሰርፍ ሰብ ወኽራኸ ኻርም፤ እማት ትካኸ ይያ አንኸናኼ» ቧረንም።
13አብርኻም ዙርያታ ቢያዥ ግዝየ ቀነታ በቈዛ አብታ የትጠበጦ አት ንድር አሸም፤ ወረም ንድርታ አቸነም በርቸታ ሟሬ ይረድድ ኽትም ኤፐም አትነወንም። 14አብርኻም የኽ መደር «እግዘር ያብሸ»#22፥14 እግዘር ያብሸ፦ በእብራይስጥ «ያኽዌ ይርኤ» ቲኸር «እግዘር ያዥ» በሮቱ። ባረም ጠናንም። ኧኳም ቢኸር ሰብ «ብእግዘር ቈቶ ር ያብሸ»#22፥14 «ያብሸ» ዌም «ይትየ»። ይብሮ።
15ይእግዘርም መሌክ ዄተነ ግዝየ የአብርኻም ጠናንምታነ፥ 16-17«እግዘር ‹ብዘ በረካ ኢብኸ ኸማ በገገና ተነም› ይብር፤ ዝኽ ዬፐኸሜ አት ትካኸም ይያ አንኸናኼዬ፥ እያም ዘራኸ የሰሜ ዀዀብ ኸማ ያፈርም ሰርኸማ አወዛንቴ፤ ዘርማኸ ጠላተና መቦም ከተማና ይጠብጦቴ። 18ትዛዘና የቅየኼ ያለም ሰብ እንም በዘራኸ ይትደሮቴ» ቧረንም።
19ተኽም አን አብርኻም ያገልጌየቴ ተዠፐረም እማቴ ኸሮም ቤርሳቤኽ ወሮም፤ አብርኻም በቤርሳቤኽ ቾናም።
የናኾር ዘር
20ተዝ እንም አን ሚልካ የጐፔየታ የናኮር ደን የጨነቸለ ኸማ ሰማም፤ ኽኖም፥ 21በኽርታ ኡፅ፥ ጐፔመታ ቡዝ፥ የአራም አባ ቀሙኤል፤ 22ኬሰድ፥ ኻዞ፥ ፊልዳሽ፥ ይድላፍም በቱኤልሎ። 23በቱኤል ርብቃ ጨነም፤ ሚልካ ዝኽ ስት ደን የአብርኻም ጐፔ የናኮር ጨነቸለም። 24ሩማ ይውርያ የናኮር ቁባት ጤባኽ፥ ገኻም፥ ተኻሽም ማካ ጨነቸለም።
Tans Gekies:
ፍጥ. 22: መቅጉ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
