Wongeela Maatewos 4
4
Qormmaatamuu Yesusii
(Mar 1:12-13; Luq 4:1-13)
1 #
Ibr 2:18; 4:15. Kanaan duubatti, Yesus sheexanaan akka qormmaatamuuf Hafuurri Waaqaa gara lafa gammoojji'ii ni fudhateen. 2Achitti'llee guyyaa afurtamaa fi halkan afurtamaa eega soomeen duubatti, ni beelaye. 3Qormmaataan gara Yesusii dhufee, «Ati Ilma Waaqaa yoo taate mee, dhagaayyii kanniin buddeena akka ta'aniif ajaji!» jedheen.
4Yesus garuu, «Naminni ka jiraatu dubbii afaan Waaqaatii bayu maraan malee, buddeena qofaanii miti jedhamee barreeffamee jira» jedheen.
5Kanaan duubatti'llee sheexanni Yesusiin gara Magaalaa Qulqullittii, gara Yerusaalemii fidee, baaxii Mana Waaqeffanna'aa irra ni dhabachiiseen, 6«Miilli kee dhaga'aan akka hin gufanneef,
‹harka isaaniitiin akka si irkisan, maleyikkoota isaa siif ni ajaja›
jedhamee barreeffamee jiraatii, Ilma Waaqaa yoo taate, asii irraa gara gadii mataa kee darbbi!» jedheen.
7Yesus'llee deebisee, « ‹Gooftaa Waaqa kee hin qormmaatniin!› jedhamee barreeffamee jira» jedheen.
8Deebi'ee'llee sheexanni Yesusiin gara gaara haalaan ol fagaatuu irra baaseenii, mootummoota biyya lafaa maraa ulfinna isaanii woliin itti muldhiseeti, 9«Kufttee yoo anaaf sagadde kana maraa siif ni kenna» jedheen.
10Yeroo sanitti Yesus, «Gooftaa Waaqa keetiif sagadi, isuma qofa'llee Waaqeffadhu!#4:10 Isuma qofa'llee Waaqeffadhu:- Isumaa sagadi yookiin Waaquma qofaaf buli. jedhamee barreeffamee jiraatii, ati sheexanni narraa fagaadhu!» jedheen.
11Kanaan duubatti sheexanni Yesusiin ni dhiiseen, maleyikkoonni'llee dhufanii, ni tajaajilaniin.
Yesus Hujii Isaa Ka Barsiisu'uu Galiila'atti Akka Jala Qabe
(Mar 1:14-15; Luq 4:14-15)
12 #
Mat 14:3; Mar 6:17; Luq 3:19, 20. Yesus hidhamuu Yohaannisii yeroo dhagayetti, gara arddii Galiila'aa ni deeme. 13#Yoh 2:12.Magaalaa Naazireetii'llee dhiisee, konyaa Zaabiloonii fi Niftaalemiitiin, garba ciisaa Galiila'aa biratti gara ka argamittuu gara magaalaa Qifirnaahoomii dhufee, ni jiraate.
14Kun'llee ka ta'e, nabiyyichi Isaayaas akkana jechu'uun dubbiin raagaa ka dubbate, akka raawwatamuuf,
15«Karaa gara garba ciisa'aa fiduu fi laga Yoordaanosiitiin gamatti
ka argaman arddiin Zaabiloonii fi arddiin Niftaalemii,
ummata Waaqa dhuga'aa titti hin amanne ka Galiila'aa'llee,
16ummanni dukkana keessa jiraatu, ifa ol aanaa ni arge,
arddii gaaddisa du'aa itti buuse worra jiraataniif'llee, ifin ni bayeef.»
17 #
Mat 3:2. Yeroo sanii jalaqabee Yesus, «Mootummaan Sami'ii dhiyaatee jirttiitii, gara Waaqaa deebi'aa!» jedha'aa, lallabuu jala ni qabe.
Yesus Qurxummii Qabddoota Afurii Akka Waame
(Mar 1:16-20; Luq 5:1-11)
18Yesus garba ciisaa Galiila'aa biraan yeroo dabrru qurxummii qabddoota ka turan obboleeyyan lamaan, isaan'llee Phexiros ka jedhame Simoonii fi obboleessi isaa Indriyaas, tabbaarrii#4:18 Tabbaarrii:- Woshaadoo meeshaa qurxummi'iin qaban. isaanii gara garba ciisa'aa titti yoo darbbatan ni arge. 19Yesus'llee, «Kootaa ana horddofaa, akkuma qurxummii qabdanitti, namoota'llee akka wolitti naa qabddan isin ni taasisa» isaaniin jedhe. 20Isaan'llee bakkumatti tabbaarrii isaanii dhiisanii, isa ni horddofaniin.
21Achi bira'llee dabrree, ijoollee Zebdiwoosii ka ta'an kuunniin obboleeyyan lamaan, Yaaqoobii fi Yohaannisiin ni arge. Isaan'llee abbaa isaanii Zebdiwoosiin woliin hoboloo irra ta'anii, tabbaarrii isaanii suppha'aa uduma jiran, isaan ni waame. 22Isaan'llee bakkumatti hoboloo isaaniitii fi abbaa isaanii'llee, dhiisanii ni horddofaniin.
Yesus Namoota Baayi'ee Akka Barsiisee fi Akka Fayyise
(Luq 6:17-19)
23 #
Mat 9:35; Mar 1:39. Yesus'llee bakkeewwan woligayi'ii#4:23 Bakkeewwan woligayi'ii:- Manniin sagadaa ka worri Yihudotaa, yookiin bakka itti mari'atanii fi itti Waaqawol barsiisan titti, isaan ni barsiisaa fi gammachuu dubbii Mootummaa Waaqaa'llee lallaba'aa, dhukkuba adda addaatii fi dhibe'een namoota qabaman fayyisa'aa, arddii Galiila'aa mara keessa ni naanaya ture. 24Maqaan isaa'llee biyya Soriya'aa mara keessatti waan dhagayameef, namoonni worra dhukkubaa fi dhibee adda addaatiin makkaraaran, worra hafuuronni battiiwwan irra bulan, dhukkuba gaggabdo'oo worra qabanii fi naafota mara'llee gara isaa ni fidan, inni'llee isaan ni fayyise. 25Arddii Galiila'aatii fi magaalaawwan kurnan#4:25 Magaalaawwan kurnan:- Bakka worri afaan Giriikiitiin dubbatu jiraatu. irraayyuu, Yerusaalemii fi Yihudaa, laga Yoordaanosiitiin gamaa'llee namoonni dhufan baayi'een, Yesusiin ni horddofaniin.
Tans Gekies:
Wongeela Maatewos 4: ArsiDNT
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
