ሮሜ ጌላ

ጌላ
ሃዋ̈ራ ጳውሎ̈ሲ ሮ̈ማ ካታማ ጋርታ̇ ዎ ኣሳንቦ ዓና̇ ኪ̈ቲን ጻ̈ፊኖንዳ ኢ ኢና ዎ ዎ̈ሳ ኬ̈ን ሉካ̇ር ቤቃ̇ንዳብ ቆፊ ኢ̈ብ ዎኮታ̇ቦ ኢንቲ ጊ̈ጊንታር ኢያ ና̈ጋምፔ̈ኔ። ኢ ቆፊንዳ ሮ̈ማ ካታሚን ጋርታ ዎ ኣማ̇ኒኖ ኣሳንባራ ዶኣሪ ጊሊ̇ ጊዛብ ኢንታባር ዎጛላ ኦ̈ሳ ኦ̈ኖፖ ዓኒ ኢንቲ ኢያ ማ̈ዴ̇ጌይን ጎይ ኢዝባራ ኢስፓይና ጋዳ ሉካ̇ንዳብ ቆፒ̇ኔ። ዪዚ ኢ ኣማ̇ና ጎይ ፌ ኤሪኖንዲኬ ማ ኣማ̇ኒኖ ኣሳን ፌ ሲስኪ̇ኖ ቲምርቲን ኦ̈ሳ ጋልዳ ፌ̈ሻ̇ምፔ̈ኖ ጎይን ኮሺንቻ̇ር ጻ̈ፊኔ።
ጳውሎ̈ሲ ሮ̈ማ ካታሚን ጋርታ̇ ዎ ኣማ̇ኒኖ ኣሳንቦ ሳሪቲ ሚሺኖፖ ማ ኢንታ̇ብ ዎ̈ሳንዳ ጌዪ ታስፋ ኢሚ̇ኖፖ ዓኒ፥ ኢ ጻ̈ፋዝ ኪ̈ቲምቦ ዋና ቆፊንዳ “ኣሲ ጺሊ̇ዛ̈ዲ ሜላ ባዚ ኢና ጌላካ̇ይዶን ኣማ̇ናባር ሙታ” (ኤ̈ 1፡17) ጋ̈ዝ ቃ̈ሊን ማ̈ቂ̇ኖን ቤይሲ̈ሬ።
ዪኒ̇ፖ ዎሃ ፌ ጻ̈ፊኖ ኪ̈ቲን ጋልዳ ዪና̇ ኢዞ ቆፊን ዳልጊሳር ጻ̈ፊኔ፤ ኣይሁዳንር ማ̈ቆ̇ ኣይሁድ ባዮ̇ ኣሳንር ዎይ ናጋራ ኦ̈ ኣቲ̇ኖ ኣስ ማ̈ቂ̇ኖኮታቦ ጾ̈ሳ̇̇̈ባር ኢጊንታ̇ንዳ̇ብ ኮሺ̇̈ሬ። ኣሲ ጾ̈ሳ̇ባር ኢጊንታ̇ንዳብ ዳንዳኣዚንዳ ዬሱ̈ስ ክርስቶ̈ሳ ኣማ̇ናርዶኬ ሜላ ጎይባር ጊዳካ̇ዬ። ዪና̇ ጾ̈ሳ̇̇̈ባር ኣሳብ ዶኣዝ ፔቲቲን ኢዝ ውርሲንዳ ኦራ ሼምፓ ማ̈ቂ̇ኖን ጳውሎ̈ሲ ኮሺንቻ̇ር ታማ̈ርሲኔ። ኣማ̇ኒኖ ኣሲ ጾ̈ሳ̇ባር ሳሪቲባር ዶኢ̈ሬ፤ ኢንቲ̇ ጾ̈ሳ̇ ኣያ̇ና ጎይባር ናጋራ ጋልዳፓኬ ዓይቃ ዎልቃ ጋልዳፖ ናጻ ኬስኪ̇ኔ፤ ኤ̈ 5-8 ዬላሪ ጳውሎ̈ሲ ጾ̈ሳ̇ ሂጋ̇ኬ ኣማ̇ኒኖ ኣሳን ሼምፒ̇ን ጋርታ ኦ̈ዛ ጾ̈ሳ̇ ኣያ̇ና ዎልቂን ቆፊን ኣብዝኮ ቤይሲ̈ሬ፤ ኢናፖ ጉጃ̇ሪ ጳውሎ̈ሲ “ጾ̈ሲ ኣሳ ዜርብ ዎ ቆፋ ጋርታ ኣይሁዳንኬ ኣይሁድ ባዮን ዎዛርታር ዎልኣ ዬላ̇ንዳብ ዳንዳኢ̈ራ?” ዪዝ ጋ̈ዝ ኦይቺ̇ምቦ ማልሳ ኢማ̇ንዳቦ ዎይሊን ቡቲቲኔ።
ማ ማ̈ቃ̇ሪ ጳውሎ̈ሲ ቤይሲኖንዲፌ̈ን ኣይሁዳን ዬሱ̈ሳ ኣማ̇ናካ̇ይዶር ኣቲ̇ኖንዳ ጾ̈ሳ̇ ቆፊዬ፤ ዪና̇ ማ̈ቂ̇ኖንዳሬ ጾ̈ሳ̇ ዬሱ̈ስ ክርስቶ̈ሳ ጎይባር ፌ ቤይሲኖ ፋቲ ዎልቂን ኣሳ ዜር ዎይ ዬላምፔ̈ን ዎታንዳቦ። ማ̈ቂ̇ናካሬ ኣይሁዳን ዬሱ̈ሳ ኣማ̇ኒዝ ኬሊ̇ ዬ̈ዚን ኢ ኣማ̇ኒሬ፤ ዉርሲ ጋልዳ ጳውሎ̈ሲ ኣሲ ኣማ̇ናባር ዎዛርታ̇ር ዶኣንዳብ ኮሺ̇̈ርኮ ማ ዎይፖ ኣማ̇ኒኖ ኣሳን ዎልዎልኣ ዬሊ̇̈ርዶር ካን ጎይን ዬንዳብ ኢንታ̇ብ ኮሻ̇ዚን ታማ̈ርሲ̈ሬ፤ ጾ̈ሳ̇̇̈ቦ ኦ̈ዝ ጎይ፣ ኣማ̇ኒዝ ኣሳን ፌ ጋዲምቤኬ ማ ዎልዎልኣር ፔታ̇ና ፔታ̇ና̈ብ ኦ̈ንዳብ ኮሺ̇̈ዝባዝኬ ሜላር ዱማ ዱማ ኦይቻን ጎይ ሶ̈ሊ̈ሬ።
ማጻ̈ፊን ጋርታ ዎ ቆፋን
ማጻ̈ፊን ጋርታ ዎ ዋና̇ ቆፊንቦ ጌላ 1፡1-17
ኣሳ ናኣቦ ፋቲ ኮሺ̇ዛ ማ̈ቂኖንዶ 1፡18-3፥20
ጾ̈ሳ̇ ኣስ ፋዝ ጎይንዶ 3፡21-4፡25
ክርስቶ̈ሳ ጎይባር ቤንቲዝ ኦራ ሼምፓ 5፡1-8፡39
ኢስሬ̈ላን ጾ̈ሳ̇ ቆፊ ጋርታ 9፡1-11፡36
ኣማ̇ኒዝ ኣሲ ዶኣንዳብ ኮሺ̇ዝ ጎይ 12፡1-15፡13
ዉርሲ ቆፊኬ ሳሪቲ 15፡14-16፡27

Kleurmerk

Deel

Kopieer

None

Wil jy jou kleurmerke oor al jou toestelle gestoor hê? Teken in of teken aan