མེ་ཐིའུ་ལེའུ་ 21

ཡེ་ཤུ་རྒྱལཔོ་ཨིན་ཟེར་ཞུ་བའི་སྐོར།

1དེ་ལས་ཁོང་ ཡེ་རུ་ཤ་ལེམ་གྱི་སྦོ་ལོགས་ཁར་ ཨ་རུ་ར་ཤིང་གི་སྒང་གུ་#༢༡:༡། lit. Mount of Olives ཡོད་མིའི་གཡུས་ཚན་ བཱེད་ཕ་གེ་ནང་ཕེབསཔ་ད་ ཡེ་ཤུ་གིས་སློབ་མ་གཉིས་ལུ་ དེ་སྦེ་གསུངས་ཏེ་གཏང་ནུག 2ཁྱེད་གཉིས་ཀྱི་གདོང་ཁར་མཐོང་མིའི་གཡུས་ཚན་ནང་སོང་ ཕར་ལྷོདཔ་ཅིག་ ཁྱེད་ཀྱིས་བོང་ཀུ་མོ་གཅིག་ མོ་རའི་ཕྱུག་ཀུ་དང་གཅིག་ཁར་བཏག་བཞག་བཞགཔ་མཐོང་འོང་ ཁྱེད་ཀྱིས་བོང་ཀུ་མ་སྨད་གཉིས་ཀྱི་ཐགཔ་འཁྱོལ་ཞིནམ་ད་ ནཱ་ང་སྡོད་སར་འཁྱིད་ཤོག 3ག་དེམ་ཅིག་སྦེ་ མི་གཞན་གྱིས་སླབ་མི་རེ་འཐོན་པ་ཅིན་ འདི་གཙོ་བོ་ལུ་ཁག་ཆེ་བས་ དེ་འཕྲོ་ལས་ ཁོ་གིས་ལོག་གཏང་འོང་ཟེར་སླབ་ཟེར་གསུངས་ནུག 4དེ་ཚུ་ག་ར་ལུང་སྟོན་པ་གིས་གསུངས་བཞགཔ་བཟུམ་སྦེ་རང་ ངོ་མ་སྦེ་འགྲུབ་ནི་གི་དོན་ལུ་ཨིན།

5ཟི་ཨཱོན་#༢༡:༥། རྒྱལ་ས་ ཡེ་རུ་ཤ་ལེམ་དེ་ ཧེ་མ་གི་སྒང་ ཟི་ཨཱོན་ཟེར་མི་གུ་ལུ་རྐྱབ་རྐྱབ་ཨིན་མས། ཁྲོམ་གྱི་མི་ཚུ་ལུ་དེ་སྦེ་སླབ་ བལྟ་ཤིག་ ཁྱེད་ཀྱི་རྒྱལཔོ་བྱོན་དོ་ ཁོ་མཉམ་ཆུང་སྦེ་ཕེབས་དོ་ བོང་ཀུ་ཕྱུག་ཀུ་#༢༡:༥། lit. the foal of a beast of burden གཅིག་གུ་ཆིབས་ཏེ་ ཁྱེད་སྡོད་སར་བྱོན་དོ་ཟེར་#༢༡:༥། ཨའི་ཟ་ཡ་ ༦༢:༡༡, ཟེ་ཀ་རི་ཡ་ ༩:༩།

གསུངས་མི་དེ་འགྲུབ་པའི་དོན་ལུ། 6སློབ་མ་ཚུ་གིས་ཕར་སོང་སྦེ་ ཡེ་ཤུ་གིས་གསུངསམ་བཟུམ་སྦེ་རང་འབད་ནུག 7ཁོང་སློབ་མ་ཚུ་གིས་ བོང་ཀུ་ཕྱུག་ཀུ་དང་ཨའི་གཉིས་འཁྱིད་འོངས་ཏེ་ ཁོང་རང་གི་བགོ་ལ་ སྒ་ཁེབས་བརྐྱབས་ཏེ་ ཕྱུག་ཀུ་གུ་ཡེ་ཤུ་ཆིབས་ནུག 8མི་ཚོགས་སྦོམ་གྱིས་ལམ་བདའ་སྟེ་ ཁོང་རང་གི་བགོ་ལ་འཐིང་ ལ་ལུ་གིས་ ཤིང་གི་ཞལ་ལག་བཏོགས་ཏེ་ལམ་ཁར་འཐིང་ཕུལ་ནུག 9དེ་ལས་ཡེ་ཤུ་གི་སྐུ་མདུན་ལས་འགྱོ་མི་དང་ སྐུ་རྒྱབ་ལས་འོང་མིའི་མི་དམངས་ཀྱིས།

རྒྱལཔོ་ ད་བིད་ཀྱི་བུ་བརྒྱུད་ལུ་ ཧོ་སཱན་ན་#༢༡:༩། འདི་གི་དོན་དག་དེ་ སྐྱབས་སུ་ཆེ་ཟེརཝ་ཨིན་མས། གཙོ་བོའི་མཚན་ནང་བྱོན་མི་དེ་ བྱིན་རླབས་ཅན་ཨིན་ ག་ར་ལས་མཐོ་བའི་དཀོན་མཆོག་ལུ་ ཧོ་སཱན་ན་ཟེར་#༢༡:༩། མགུར་མ་ ༡༡༨:༢༥-༢༦, ༡༤༨:༡།

སྐད་བརྐྱབས་ནུག 10ཡེ་ཤུ་ ཡེ་རུ་ཤ་ལེམ་ལུ་ཕེབས་ད་ ཁྲོམ་གྱི་མི་ག་ར་འུར་སྒྲ་ལངས་ཏེ་ གཅིག་གིས་གཅིག་ལུ་ཁོ་ག་སྨོ་ཟེར་དྲིསཝ་ད། 11ཁོང་གི་ལན་ལུ་མི་དམངས་ཀྱིས་ ཨ་ནི་འདི་ལུང་ཕྱོགས་ ག་ལི་ལི་ ཁྲོམ་ ན་ཟ་རཱེད་ལས་བྱོན་མིའི་ ལུང་སྟོན་པ་ཡེ་ཤུ་ཨིན་མས་ཟེར་སླབ་ནུག།

ཡེ་ཤུ་གིས་མཆོད་ཁང་གཙངམ་མཛད་པའི་སྐོར།

12ཡེ་ཤུ་མཆོད་ཁང་ནང་བྱོན་ཏེ་ དེའི་ནང་ལུ་ཚོང་བཙོང་མི་དང་ཉོ་མི་དེ་ཚུ་ ག་ར་ཕྱི་ཁར་བཏོན་ཏེ་བདའ་གཏང་ དེ་ལས་དངུལ་བརྗེ་སོར་གྱི་ཚོང་རྐྱབ་མིའི་ཅོག་སྒྲོམ་དང་ བྱ་ཐི་ལི་རྒྱལམོ་གི་ཚོང་རྐྱབ་མི་ཚུ་གི་རྐང་ཁྲི་དེ་ཚུ་ ག་ར་ཕར་ལྷོགས་བཀོག་ནུག 13ཡེ་ཤུ་གིས་ཁོང་ལུ་ གསུང་རབ་ནང་དཀོན་མཆོག་གིས།

ངེའི་ཁྱིམ་འདི་སྨོན་ལམ་བཏབ་སའི་ཁྱིམ་ཨིན་ཟེར་#༢༡:༡༣། ཨའི་ཟ་ཡ་ ༥༦:༧།

བྲིས་ཏེ་ཡོད་ དེ་འབདཝ་ད་ ཁྱེད་ཀྱིས་ཨརཝ་གི་ཚང་བཟུམ་སྦེ་ བཟོ་བཞགཔ་ཨིན་མས་ཟེར་གསུངས་ནུག 14དེ་ལས་མཆོད་ཁང་ནང་ཡེ་ཤུ་བཞུགས་ས་ལུ་ མིག་ཏོ་ཞརཝ་དང་རྐངམ་ཞབོ་ཚུ་འོངས་ཏེ་ ཁོ་གིས་ཁོང་ལུ་དྲགཔ་མཛད་གནང་ནུག 15དེ་འབདཝ་ད་ ཁོ་གིས་མཛད་མིའི་ཡ་མཚན་ཆེ་བའི་ཕྱག་ལཱ་ཚུ་དང་ ཨ་ལོ་ཚུ་གིས་ ད་བིད་ཀྱི་བུ་བརྒྱུད་ལུ་ ཧོ་སཱན་ན་ཟེར་མཆོད་ཁང་ནང་བསྟོད་པ་ཕུལ་ས་ བླ་ཆེན་དང་ བཀའ་ཁྲིམས་ཀྱི་སློབ་དཔོན་ཚུ་གིས་མཐོངམ་ད་ ཁོང་གནམ་མེད་ས་མེད་ཙིགཔ་ཟ་སྟེ། 16ཁོང་གིས་ཡེ་ཤུ་ལུ་ ཨ་ནི་ཨ་ལོ་ཚུ་གིས་ག་ཅི་སླབ་ཨིན་ན་ ནཱ་གིས་མ་གསན་ག་ཟེར་ཞུཝ་ད་ ཡེ་ཤུ་གིས་ང་གིས་གོ་ཡི།

ནཱ་གིས་ཨ་ལོ་ཚུ་དང་ཨོམ་འཐུང་མི་ཆུང་ཀུ་ཚུ་ལུ་ བསྟོད་པ་ཕུལ་ནི་སྟོན་གནང་ཡི་ཟེར་#༢༡:༡༦། མགུར་མ་ ༨:༢།

གསུང་རབ་ནང་བྲིས་བཞག་མི་དེ་ ཁྱེད་ཀྱིས་ལྷབ་མ་བལྟ་ག་ཟེར་གསུངས་ནུག 17དེ་ལས་ཁོ་གིས་ཁོང་ལུ་བཞག་སྦེ་ཁྲོམ་གྱི་ཕྱི་ཁར་ གཡུས་ཚན་ བེ་ཐ་ནི་ཡ་ཟེར་མི་ནང་བྱོན་ཏེ་ དེ་ཚེ་ཕྱི་རུ་ཁོ་དེ་ཁར་བཞུགས་ནུག།

ཡེ་ཤུ་གིས་ཅོང་སེ་ཤིང་ལུ་ཐུགས་སྨོན་གནང་སྟེ་ཤིང་སྐམ་པའི་སྐོར།

18དེ་ལས་ཡེ་ཤུ་དྲོ་པ་ ཡེ་རུ་ཤ་ལེམ་ལུ་ལོག་འབྱོནམ་ད་ ལམ་ཁར་ཁོ་གསོལཝ་སྨྱུང་སྦེ། 19ལམ་གྱི་ཟུར་ཁར་ལུ་ཅོང་སེ་ཤིང་གཅིག་གཟིགས་ཏེ་ དེའི་སྦོ་ལོགས་ཁར་བྱོན་ནུག་ དེ་འབདཝ་ད་ ཤིང་དེ་གུ་ འདབ་མ་མ་གཏོགས་ དོག་མ་གཅིག་ཡང་མེདཔ་གཟིགས་ཏེ་ ཡེ་ཤུ་གིས་ཤིང་དེ་ལུ་ ད་ལས་ཕར་ དུས་ནམ་ཡང་དོག་མ་བཏག་མ་བཅུག་ཟེར་གསུངསམ་ད་ ཤིང་འདི་དེ་འཕྲོ་ལས་སྐམ་སོང་ནུག 20སློབ་མ་ཚུ་གིས་འདི་མཐོངམ་ད་ཧ་ལས་ཏེ་ ཁོང་གིས་ཤིང་འདི་ ག་དེ་སྦེ་མགྱོགས་པར་སྐམ་སོངམ་སྨོ་ཟེར་ཞུཝ་ད། 21དེའི་ལན་ལུ་ཡེ་ཤུ་གིས་ ང་གིས་ཁྱེད་ལུ་དོན་ལས་རང་སླབ་ཨིན་ ཁྱེད་ཀྱིས་ཐེ་ཚོམ་ག་ནི་ཡང་མེད་པར་ དད་པ་བསྐྱེད་དེ་འབད་བ་ཅིན་ ང་གིས་ཨ་ནི་ཅོང་སེ་ཤིང་འདི་ལུ་འབད་དོཝ་བཟུམ་སྦེ་ ཁྱེད་ཀྱིས་ཡང་འབད་ཚུགསཔ་མ་ཚད་ ཁྱེད་ཀྱིས་ཨ་ནི་སྒང་འདི་ལུ་ མར་རྒྱ་མཚོ་ནང་མཆོངས་ཟེར་སླབ་རུང་ དེ་བཟུམ་སྦེ་རང་འབྱུང་འོང་། 22དད་པ་བསྐྱེད་དེ་ སྨོན་ལམ་ནང་ག་ཅི་རང་ཞུ་རུང་ ཁྱེད་ཀྱིས་ཐོབ་ཟེར་གསུངས་ནུག།

ཡེ་ཤུ་གི་དབང་ཚད་ལུ་དྲི་བ་དྲིས་བའི་སྐོར།

23ཡེ་ཤུ་ལོག་སྟེ་མཆོད་ཁང་ནང་བྱོན་ཏེ་ ཆོས་སྟོན་བཞུགསཔ་ད་ བླ་ཆེན་དང་མི་དམངས་ཀྱི་འགོ་དཔོན་ཚུ་འོངས་ཏེ་ ཁོང་གིས་ཡེ་ཤུ་ལུ་ ག་ཅི་གི་དབང་ཚད་ཀྱིས་ ཨ་ནི་དེ་ཚུ་འབདཝ་སྨོ་ ཁྱོད་ལུ་དབང་ཚད་འདི་ ག་གིས་བྱིན་བྱིནམ་སྨོ་ཟེར་ཞུཝ་ད། 24དེའི་ལན་ལུ་ཡེ་ཤུ་གིས་ ང་གིས་ཡང་ཁྱེད་ལུ་དྲི་བ་གཅིག་དྲི་ནི་ཨིན་ ཁྱེད་ཀྱིས་ང་ལུ་དེའི་ལན་སླབ་པ་ཅིན་ ང་གིས་ཡང་ག་གིས་དབང་ཚད་ནང་ཨ་ནི་དེ་ཚུ་འབདཝ་ཨིན་ན་ དེའི་ལན་སླབ་ནི་ཨིན་ཟེར་གསུངས་ཞིནམ་ད། 25ཡོ་ཧ་ནཱན་གྱིས་ཁྲུས་གསོལ་བྱིན་ནི་གི་དབང་ཚད་དེ་ ག་ལས་འོངམ་ཨིན་ན་ ཞིང་ཁམས་ལས་ཨིན་ན་ མི་ལས་ཨིན་ན་ཟེར་གསུངསམ་ད་ ཁོང་རང་གི་སྦུག་ལུ་བསྟུན་གྲོས་བརྐྱབས་ཏེ་ ང་བཅས་ཀྱིས་འདི་ ཞིང་ཁམས་ལས་ཨིན་ཟེར་སླབ་པ་ཅིན་ ཁོ་གིས་ག་ཅི་འབད་ཁྱེད་ཀྱིས་ ཡོ་ཧ་ནཱན་ལུ་ཆ་མ་བཞགཔ་སྨོ་ཟེར་གསུང་འོང་། 26དེ་འབདཝ་ད་ ང་བཅས་ཀྱིས་ མི་ལས་ཨིན་ཟེར་བ་ཅིན་ ང་བཅས་མི་དམངས་ལུ་བལྟ་སྟེ་འདྲོག་པས་ ག་ཅི་སྨོ་ཟེར་བ་ཅིན་ མི་ཚུ་གིས་ ཡོ་ཧ་ནཱན་ལུ་ ལུང་སྟོན་པ་ངོ་མ་གཅིག་སྦེ་ ཆ་བཞགཔ་ཨིན་མས་ཟེར་སླབ་ནུག 27དེ་འབདཝ་ལས་བརྟེན་ཏེ་ ཁོང་གིས་ལན་ འདི་ག་ལས་ཨིན་ན་ ང་བཅས་ཀྱིས་མི་ཤེས་པས་ཟེར་ཞུ་ནུག་ དེ་ལས་ཡེ་ཤུ་གིས་ཡང་ཁོང་ལུ་ དེ་སྦེ་ཨིན་པ་ཅིན་ ང་ཡང་ག་གིས་དབང་ཚད་ནང་ལཱ་འདི་འབདཝ་ཨིན་ན་ མི་སླབ་གསུངས་ནུག།

བུ་གཉིས་ཀྱི་དཔེ་གཏམ་གྱི་སྐོར།

28མི་གཅིག་ལུ་བུ་གཉིས་ཡོདཔ་ཨིན་མས་ ཨ་ནི་བུ་གཉིས་ཀྱི་སྐོར་ལས་ཁྱེད་ཀྱིས་ག་དེ་སྦེ་མནོ་བསམ་གཏངམ་སྨོ་ མི་དེ་གིས་བུ་གཅིག་ལུ་ བུ་ད་རེས་ཁྱོད་ཀྱིས་རྒུན་འབྲུམ་གྱི་ལྡུམ་ར་ནང་ལཱ་འབད་བ་སོང་ཟེར་སླབ་ད། 29བུ་དེ་གིས་ང་མི་འགྱོ་ཟེར་སླབ་ནུག་ དེ་འབདཝ་ད་ ཁོ་ཤུལ་ལས་མནོ་ལོག་བསྐྱེད་དེ་ལཱ་འབད་བ་སོང་ནུག 30དེ་ལས་མི་དེ་གིས་བུ་གཞན་འདི་སྡོད་སར་སོང་སྟེ་ ཧེ་མ་སླབ་དོཝ་བཟུམ་སྦེ་རང་ བུ་དེ་ལུ་ཡང་སླབ་ནུག་ བུ་དེ་གིས་ ལགས་སོ་ལགས་ཟེར་སླབ་སྦེ་ཤུལ་ལས་མ་སོང་པས། 31ཁྱེད་ཀྱིས་འབད་བ་ཅིན་ ཁོང་གཉིས་ལས་ག་གིས་ཨ་པ་གི་ཁ་ལུ་ཉན་ཡི་ག་ཟེར་གསུངསམ་ད་ ཁོང་གིས་དང་པ་སླབ་མི་བུ་དེ་གིས་ཉན་ཡི་ཟེར་ལན་སླབ་ནུག་ ཡེ་ཤུ་གིས་ང་གིས་ཁྱེད་ལུ་དོན་ལས་རང་སླབ་ཨིན་ མི་ངན་པ་ཁྲལ་བསྡུ་མི་དང་སྨད་ཚོང་མ་ཚུ་གིས་ ཁྱེད་ཀྱི་ཧེ་མ་ལས་དཀོན་མཆོག་གི་ཞིང་ཁམས་ནང་ལྷོད་ནི་ཨིན། 32ཁྲུས་གསོལ་བྱིན་མི་ ཡོ་ཧ་ནཱན་གྱིས་ཁྱེད་སྡོད་སར་འོངས་ཏེ་ དཀོན་མཆོག་གི་ཐུགས་དང་ལྡན་པའི་ཕྲངམ་གི་ལམ་འདི་སྟོན་རུང་ ཁྱེད་ཀྱིས་ཁོ་ལུ་ཆ་མ་བཞག་ དེ་འབདཝ་ད་ མི་ངན་པ་ཁྲལ་བསྡུ་མི་དང་ ཨམ་སྲུ་སྨད་འཚོང་མ་ཚུ་གིས་ཆ་བཞག་ཅི་ གཞན་འདི་ལོ་ ཁྱེད་ཀྱིས་ཨ་ནི་དེ་ཚུ་མཐོང་རུང་ ཁྱེད་རང་གི་སྡིག་པ་ལས་སེམས་འགྱུར་ཏེ་ཁོ་ལུ་ཆ་མ་བཞག་པས།།

ཞིང་ལཱ་འབད་མིའི་མི་ངན་པའི་དཔེ་གཏམ།

33ད་རུང་ཨ་ནི་དཔེ་གཏམ་དེ་ལུ་ཉན་ཤིག་ སྦྱིན་བདག་གཅིག་གིས་ ལྡུམ་ར་བཟོ་སྦེ་ རྒུན་འབྲུམ་གྱི་ཤིང་བཙུགས་ཏེ་ ར་བ་རྐྱབ་སྦེ་ དེ་ལས་རྒུན་འབྲུམ་གྱི་ཁུ་བ་བཙིར་སའི་ས་དོང་བརྐོ་བཟོ་སྟེ་ ད་རུང་ཐོག་སྲུང་སའི་ཁྱིམ་གཅིག་ཡང་བཟོ་ནུག་ དེ་ལས་ཞིང་ལཱ་འབད་མི་ལ་ལུ་ཅིག་ལུ་ བགོ་བཤའ་སྦེ་སྤྲོད་དེ་ ཁོ་རང་ཕྱིའི་རྒྱལ་ཁབ་ལུ་སོང་ནུག 34ལོ་ཐོག་བསྡུ་བའི་དུས་ཚོད་རནམ་ད་ སྦྱིན་བདག་གིས་ཁོ་རང་གི་གཡོགཔོ་ཚུ་ལུ་ ཁོ་གི་བགོ་བཤའ་ལེན་པ་གཏང་ནུག 35དེ་འབདཝ་ད་ བགོ་བཤའ་འབད་མི་ཚུ་གིས་ ཁོ་གི་གཡོགཔོ་ཚུ་ལུ་བཟུང་སྟེ་ གཅིག་ལུ་དྲང་བརྡུང་ གཅིག་ལུ་བསད་ དེ་ལས་གཅིག་ལུ་རྡོ་གིས་བརྡུང་ནུག 36དེ་ལས་སྦྱིན་བདག་གིས་ཧེ་མ་ལས་ཡང་མངམ་སྦེ་ གཡོགཔོ་གཞན་ཚུ་ཁོང་སྡོད་སར་བཏངམ་ད་ ཁོང་གིས་ཧེ་མ་གི་གཡོགཔོ་ཚུ་ལུ་འབད་དོཝ་བཟུམ་སྦེ་རང་འབད་དེ། 37མཐའན་མཇུག་ལུ་སྦྱིན་བདག་གིས་ ཁོང་གིས་ ངེ་གི་བུ་ལུ་གུས་ཞབས་འབད་འོང་ཟེར་མནོ་སྟེ་ ཁོ་རང་གི་བུ་ལུ་ཁོང་སྡོད་སར་བཏང་ནུག 38དེ་འབདཝ་ད་ བགོ་བཤའ་ཟ་མི་ཚུ་གིས་ སྦྱིན་བདག་གི་བུ་མཐོངམ་ད་ ཁོང་རང་གཅིག་གིས་གཅིག་ལུ་ ཁོ་ཤུལ་འཛིན་པ་དེ་ཨིན་མས་ ད་ཤོག་ ང་བཅས་ཁོ་བཟུང་སྟེ་བསད་གེ་ དེ་ལས་ཁོ་གི་ཕ་གཞི་དེ་ང་བཅས་རང་འཕྱོག་གེ་ཟེར་སླབ་སྟེ། 39ཁོང་གིས་ཁོ་ལུ་བཟུང་སྟེ་ ལྡུམ་ར་གི་ཕྱི་ཁར་དྲུད་བཀལ་ཏེ་བསད་ནུག

40ད་ཁྱེད་ཀྱིས་འབད་བ་ཅིན་ ལྡུམ་ར་གི་སྦྱིན་བདག་འོངམ་ད་ བགོ་བཤའ་ཟ་མི་ཚུ་ལུ་ ག་ཅི་འབད་འོང་ག་ཟེར་གསུངསམ་ད། 41ཁོང་གོ་མི་ཚུ་གིས་ དེའི་ལན་ལུ་ སྦྱིན་བདག་འོངམ་ད་ མི་ངན་ཚུ་ལུ་བསད་འོང་ དེ་ལས་ལྡུམ་ར་འདི་ཞིང་ལཱ་འབད་མི་གཞན་ དུས་ཚོད་ལུ་ བགོ་བཤའ་ཀྲིག་ཀྲི་སྦེ་སྤྲོད་མི་དེ་ལུ་ སྤྲོད་འོང་ཟེར་སླབ་ནུག 42ཡེ་ཤུ་གིས་ཁོང་ལུ།

རྩིགཔ་བཟོ་བོ་གིས་ མ་དགོ་པར་བཞག་མི་རྡོ་འདི་ ཁག་ཆེ་ཏོག་ཏོ་གཅིག་ལུ་འགྱུར་ནུག་ འདི་ཚུ་ག་ར་ གཙོ་བོ་གིས་མཛད་མཛདཔ་ཨིན་ དེ་ང་བཅས་ཀྱི་མིག་ཏོ་ཁར་ ཡ་མཚན་ཆེ་ཏོག་ཏོ་ཨིན་ཟེར་#༢༡:༤༢། མགུར་མ་ ༡༡༨:༢༢,༢༣།

གསུང་རབ་ནང་བྲིས་བཞག་མི་དེ་ ཁྱེད་ཀྱིས་མ་ལྷབ་ག། 43དེ་འབདཝ་ལས་ང་གིས་ཁྱེད་ལུ་སླབ་ཨིན་ དཀོན་མཆོག་གི་རྒྱལ་སྲིད་འདི་ཁྱེད་ལས་ལེན་ཏེ་ འབྲས་བུ་ལེགས་ཤོམ་སྦེ་བཏག་མིའི་མི་རིགས་གཞན་ལུ་སྤྲོད་འོང་། 44ག་ར་འབད་རུང་ཨ་ནི་རྡོ་དེ་གུ་ བུད་མི་དེ་ཆག་དཀྲུམ་འགྱོ་འོང་ རྡོ་དེ་ག་གིས་གུ་བུད་རུང་ དེ་ཐལ་བ་ལུ་འགྱུར་འོང་ཟེར་གསུངས་ནུག 45དེ་ལས་བླ་ཆེན་དང་ ཕ་རུ་ཤི་པ་ཚུ་གིས་ དཔེ་གཏམ་དེ་གོཝ་ད་ ཡེ་ཤུ་གིས་ཁོང་གི་སྐོར་ལས་སླབ་ཨིནམ་ཤེས་ཏེ། 46ཁོང་གིས་ཡེ་ཤུ་བཟུང་ནི་འབདཝ་ད་ མི་དམངས་ལུ་བལྟ་སྟེ་འདྲོགས་ནུག་ ག་ཅི་སྨོ་ཟེར་བ་ཅིན་ མི་ཚུ་གིས་ ཡེ་ཤུ་ལུ་ལུང་སྟོན་པ་གཅིག་སྦེ་ཆ་བཞག་དོཝ་ཨིན་མས།།

Tans Gekies:

མེ་ཐིའུ་ལེའུ་ 21: dzoD

Kleurmerk

Deel

Kopieer