Yohana 9
9
1Aho Yesu alivita wamuvonaga munhu homwene wavagi muhofu kufuma kuvyalwa kwakwe. 2Na vahemba vakwe vamuvuzaja, vuhaya, Rabi, nani wakenagulaga, uyu ninga vavyazi vakwe ati wavyalwa 3muhofu? Yesu witavukaga, Mwenuyu akakenagulile ninga ngʼo vavyazi vakwe, sumbwa kigele milimo ya Mulungu yifumbulwe hawakwe. 4Yilitudima kutumama milimo ya mwenuyo wantumizizye aho limi litali; vuziku vuliza aho kuduhu umo alikovola kutumama. 5Mwitungo lyenili ndiho mu liwelelo ndi lumole lwa liwelelo. 6Aho waliwayomba genaya watugaga hasi na waluvaga vulongo na mate na wagavilaga minso gakwe 7na vulolo, wamuwila, Uje ukilugute mwitava lya Siloam, nguno yalyo: watumizivilwe. Nawe wajaga na wakilugutaga na wasyokaga alivona. 8Vazenganwa vakwe na avo vamuvonaga kale ati ali mwilombelezya, vayombaga, Akavile mwenuyu wikalage henaha kwilombelezya? 9Vangi vayombaga, Ali mwenuyu; vangi vayombaga, Byololo, sumbwa amwikolile duhu. 10Mwenekili wayombaga, Honene mwene. Haho vamuwilaga Lumehoki minso gako gatunuzivilwe? 11Mwenuyo witavukaga, Munhu uyo alitanwa Yesu waluvaga vulolo na wavilaga minso gane na wambwilaga, Uje ku Siloam ukilugute. Haho najaga na nilugutaga, na navonaga. 12Vamuwilaga, Mwenuyu ali kuhe? Nawe wayombaga, Nene nkamanikizye.
13Vamutongekaga ku Vafarisayo mwenuyo wavage hambele muhofu. 14Alisi yavagi sabato lusiku lwenulo Yesu waluvaga vulolo na wagatunuzaja minso gakwe. 15Hangi Vafarisayo navo vamuvuzaja, Wavonaga na lumehoki? Nawe wavawilaga, Wavilaga vulolo ku 16minso gane, nilugutaga, na ndivona. Haho vamo va Vafarisayo vayombaga, Munhu mwenuyu akafumile kumwa Mulungu, kwisi akayilindilile sabato. Vangi vayombaga. Lumehoki munhu mukenaguzi alikovola kuvezya migaka yeniyi? Na vulekane wavagiho mugati navo. 17Haho vamuwilaga hangi muhofu, Veve uliyombaki kunguno yakwe, kwisi wakutunuzaja minso 18gako? Nawe wayombaga, Uyu ali mufumbuzi. Haho Vayahudi vakazumizye muhayo gwakwe ati wavage muhofu na wapivagwa kuvona, kusika vavitanaga vavyazi va mwenuyo wapivagwa kuvona. 19Na vava vuzaja venava, vuhaya, Ali mwana winwe homwene muliyomba ati wavyalilwe muhofu? Lumehoki alivona 20lelo? Haho vavyazi vitavukaga, vuhaya, Tulimanicha mwenuyu ali mwana wiswe, nawe wavyalilwe muhofu; 21alisi tukamanikizye lumehoki alivona lelo, ninga nani wagatunuzaja minso gakwe tukamanikizye; 22uyu wakulile, mumuvuzye; ayombe mwenekili. Vavyazi vayombaga yeniyi kunguno vavogohaga Vayahudi, kwisi Vayahudi vamalaga kwitozya hamohene ati, ulu umo akuzumya ati Yesu ali Kristo akulugalilwa sinagogo. 23Kunguno yeniyi vavyazi vakwe vayombaga, Wakulile, mumuvuzye mwenekili. 24Haho vamwitanaga ka vuvili munhu mwenuyo wavage muhofu na vamuwila, Umupe Mulungu lukumo, tulimanicha ati munhu mwenuyu ali mukenaguzi. 25Uyo witavukaga, Nene nkamanikizye ulu ali mukenaguzi; kinhu kimo ndimanicha ati nene navage muhofu, na lelo ndivona. 26Haho vamuwilaga hangi, Wakwitilagaki, na 27lumehoki wagatunuzaja minso gako? Nawe wavitavukaga, Namalaga kumuwila na inwe mukigilwe; kuki mulikova kuyigwa hangi? Ninga inwe mulikova kuvi 28vahemba vakwe? Vamufusaga, vuhaya, Veve uli muhemba wakwe, alisi iswe tuli vahemba vamwa Mose. 29Tulimanicha ati Mulungu wayombile na Mose; alisi kunguno ya mwenuyu tukamanikizye uko wafumile. 30Munhu uyu witavukaga na wavawila, Ugu muhayo gwa kukumya ati inwe mukamanikizye uko wafumile, nawe wagatunuzaja minso gane. 31Tulimanicha ati Mulungu akavile kuvadegeleka vakenaguzi, sumbwa ulu umo alimogoha Mulungu na alikimazya kikowa 32chakwe, mwenuyu alimudegeleka. Kufuma kale yikadegelekilwe ati umo wagatunuzaja minso ga umo avyalilwe muhofu. 33Ulu mbe mwenuyu akafumile kumwa Mulungu mbe akakovolile kuvezya kinhu. 34Navo vitavukaga na vamuwilaga, Veve wavyalilwe vuliko mu mavukenaguzi, naʼho ulituhembeka iswe? Haho vamupezezaja hanze.
35Yesu wigagwa ati vamupezezizye hanze, na aho wamuvonaga wayombaga, Veve ulimusanizya Mwana 36wa Mulungu? Uyo witavukaga, uhaya. Ali nani Guku, 37kigele namusanizye? Yesu wamuwilaga, Veve wamuvonaga, nawe aliyomba naʼho ali mwenuyu. 38Uyu wayombaga, Guku, ndisanizya, na wamukuvilaga. 39Na Yesu wayombaga, Ha vuyanguzi nizaga mugati na liwelelo, kigele venava vakawine vavone, navo valivona vave vahofu. 40Na vamo va Vafarisayo hovene vavagi hamohene nawe vayigagwa, vamuwila, Kinahe, iswe 41vene tuli vahofu? Yesu wavawilaga, Ulu mbe mwavagi vahofu mbe mukavile na vukenaguzi; alisi lelo muliyomba ati, Tulivona; na vukenaguzi winwe vulidilaho.
Tans Gekies:
Yohana 9: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
