Yohana 17
17
1Genaya Yesu wayombaga na walangamila kwilunde, uhaya, Vava, itungo lyafikaga, umukumuche Mwana 2wako, kigele Mwana akukumuche veve; kitisi veve wamupaga vukovozi kwigulya na vanhu vose, kigele vose venavo veve wamupaga, avape venavo vuzuvuku wa hanahana. 3Wenuvu vuli vuzuvuku wa hanahana: vakumaniche veve Mulungu wa loleyene winene, na mwenuyo homwene veve wamutumizaja, Yesu Kristo. 4Nene nakukumukaja veve mugati na liwelelo mu kugumazya mulimo gwenugo veve wampaga kuvezya. 5Lelo veve Vava, unkumuche nene hawako mwenekili na lukumo lwenulo navage nalo hawako aho liwelelo litali kuviho. 6Lina lyako mwafumbulilaga vanhu venavo veve wampaga nene kufuma mu liwelelo. Vavagi vako, naʼho wampaga venava, navo vagulindilaga muhayo gwako. 7Lelo vamanikizye ati gose genaya wampaga gafumile kuwako. 8Kwisi mihayo yeniyo wampaga navapaga venava, navo vayanukulaga na vamanikaja loleyene ati nene nafumile kuwako, na vasanizaja ati veve wantumizaja. 9Ndivalombela venava, nkavile kulilombela liwelelo, sumbwa kunguno 10ya venavo wampaga nene, kwisi vali vako; na gose gane gali gako, na genaya gako gali gane, na nakumukivilwe mugati navo. 11Na nkavilemo hangi mu liwelelo, na venava valimo mu liwelelo, na nene ndiza kuwako. Vava musondo, uvalindile venava mu lina lyako holyene wampaga, vave hamohene kitisi iswe. 12Aho navagiho hamohene navo navalindilaga mu lina lyako holyene wampaga, navasungaga, na kuduhu umo wazimilaga, sumbwa mwana wa vuzimile, kigele vutone vufikile. 13Alisi lelo ndiza kuwako, na genaya ndiyomba mu liwelelo, kigele vave nako kudeha kwane kokalile muwavo venekili. 14Nene navapaga muhayo gwako, na liwelelo lyavagayaga kunguno vakavile va 15liwelelo, kitisi nene nkavile wa liwelelo. Nkavile kukulomba ati uvinje venava mu liwelelo, sumbwa uvalindile hambele na kavi. 16Vakavile va liwelelo, kitisi nene nkavile wa liwelelo. 17Uvasondohye mugati na hanayene, Muhayo gwako guli hanayene. 18Kitisi veve wantumizizye mugati na liwelelo, sisyo sisyene nene mwene ndivatumizya venava mugati na liwelelo. 19Na kunguno yavo ndiwisondohya, kigele venava vene vasondohiwe mu hanayene. 20Alisi nkavile kuvalombela venava duhu, sumbwa venavo vene hovene vakunsanizya nene kunguno ya mihayo yavo, 21kigele vose vave vumo, kitisi veve Vava ulimo muwane, nane muwako, navo vavemo muwiswe, kigele liwelelo lisanizye ati veve wantumizizye. 22Na nene navapaga venava lukumo lwenulo wampaga nene, kigele vave 23vumo kitisi iswe tuli vumo: nene mugati navo, naʼho mugati na nene, kigele vave vanhu vamalizizye kuvi vumo, kigele liwelelo limaniche ati veve wantumizizye na wavatogilwe veiycva, kitisi wantogilwe nene. 24Vava, ndikova ati venavo wampaga vave hamohene nane kwenuko nene ndiko, kigele valuvone lukumo lwane lwenulo wampaga, kunguno veve wantogilwe hambele na kutundwa kwa liwelelo. 25Vava mugololoku, liwelelo likakumanikizye veve, alisi nene nakumanikizye, na venava vamanikizye ati veve wantumizizye. 26Navafumbulilaga venavo lina lyako, na ndalifumbule, kigele kutogwa uko veve wantogilwe nako kuvemo mugati navo, nane navemo muwavo.
Tans Gekies:
Yohana 17: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
