Kejadian 9
9
Allah en Nuh wene werak pesi wene
1 #
Kej. 1:28
Allah en Nuh ebe emin, eiyagai emin, obabenebiselat, luane egeik onobogwi ’gela’ge disogo mo’gulentesi,
“His henebe emin, his en dogo’gwe a’ge emin, o ’gwiangma yema di owi yu owi ’berlegat wolorogup en e, henemalik dagonobogulat, is enemalik hene’balak dagonobogulat, asogo til lagalat a’bigat wiyalaga lomup o. 2Di tue, yu tue emin, hiane emin, di a’ge yu a’ge e’gik erlak oruak emin, ’berlegat his hene’gik pam welat, hisat onogorlok welemak o. 3Asogo tak a’ge ’berlegat emin, di agan e’ga yu agan e’ga un a’ge wokhentegis ai emin, no’gu lemagoluk wokhentegis o. 4#Ima. 7:26,27; 17:10-14; 19:26; Ula. 12:16,23; 15:23Asogo a’geat de, wam, tue, ’baik, di a’ge yu a’ge ’gorik ogola mep oruak a’ge ai, mep en elaluk welago ai en e, ogola mep oruak a’ge holuk no modok mia o. 5Aphwami en emin, wam, tue, ’baik emin, aphwami enebe waronobua a’ge enebe lo’bok an en wene enebam poluk modok warenebik o. 6#Kel. 20:13; Kej. 1:26Ye, aphwami enebe re, an nebe ’gela’ge walentegismu re, aphwami waronobua a’ge ai, is aphwami muon en waronobuayat o.
7 #
Kej. 1:28
His henebe emin, his en dogoma a’ge emin, o ’gwiangma yema ’berlegat wolorogup en e, his henemalik dagonobogulat, is enemalik hene’balak dagonobogulat, togulat e, modok a’bigat wiyalaga lomup o,” oluk mo’gulentesi. 8Asogo mo’gulentesirik, mesik e, Nuh ebe emin, eiyagai emin, enemin, disogo mo’gulentesi,
9-10“An en his henebe emin, his en dogo’gwe a’ge emin, di tue, yu tue emin, wam, ’baik di a’ge yu a’ge e’gik erlak oruak ’gwiangma a’ge his henemin ik so ogola en liplau wegep a’ge ’berlegat emin, wene mesik werakhenebaik. 11Wene his werakhenebaik ai ebe re, yuat,
An en elaluk welago a’ge his henebe emin, di a’ge yu a’ge emin, ’berlegat pobuk ik ebe en mesik wathonobua modok erlak o. Ye, ik ebe en ’gwiangma wiagap pouwa a’ge mesik wema erlagat o. 12-13His henebe emin, di a’ge yu a’ge elaluk welago a’ge emin, ’gwiangma yema en pobuk mesik wathonobua modok erlak, oluk nede we’gerlogo warlo’gouk o hena ’bogorl pam pegi ai o. 14-15An en nin hwedik nan hwedik ’bogorl ai o hena pam sebelogo paikmu re, warlo’gouk ai ligagoam henil yethogu lorogup ani o. Yethogwiam, an en his henebe emin, di a’ge yu a’ge elaluk welago a’ge ’berlegat emin, pobuk ik ebe pam mesik wathenebik modok erlak oluk mo’gulhentegis a’ge yu, pobuk nede eberak modok weleik o. 16Warlo’gouk ai o hena ’bogorl pam pei ligagoam, an nil holuk e, di a’ge yu a’ge ’gwiangma elaluk welago a’ge, his henebe emin, di a’ge yu a’ge emin, wene nemin hwedik modok wolomul a’ge werakhenebegi ai modok nede eberak weleik o. 17An en di a’ge yu a’ge ’gwiangma elaluk welago a’ge his henebe emin, di a’ge yu a’ge emin, ’berlegat henede we’gerlogo wene werakhenebegi a’ge aiyat o,” oluk mo’gulentesi.
Nuh eiyagai enemin en tigisa wene
18Nuh eiyagai enemin ik so ogola en liplau wegesa ai ononuk e, Sem emin, Yafet emin, Ham emin. (At Ham ai re, ap Kanaan aik o.) 19Ap Nuh eiyagai enebe henagan eria re, aphwami ’gwiangma welagai a’ge ’berlek ene’balagat o. 20Ap Nuh ai re, ebe yabuk eiye welat wasu lagarikmu re, naduk-naduk yabuk anggur yabuk wokho yeregei ai o.
21Asogo yogo poluk anggur a’bosu ebano ne’geitik e, ede ’balagarik ’bogoyum ebano no’gorlogo hwikhesirik e, age’golom a’ge o taboma nogo ese laga. 22Asogo nogo osoma, at Ham aphwami Kanaan a’ge enaik ano, il yetholuk e, ’bekhit libagarik e, wene ano arilak enebe ’biren eriano mo’gulentai laga. 23Mo’gulentai lagama, is Sem Yafet emin en sum o’borl o’gwe ’buktogwi a’ge enemarlo pam erla’gulogo wik-wok ono’borlhan toluk o tabo werikmu ano ’gwigisarik enaik age’golom welaga a’ge ano enil hulno oluk onorogole dikhum welat ono’borl akhit en sebelak pei legesa. 24Asogo sebelak pei legesema, at Nuh anggur a’bosu ne’geitik ede ’balagarik welaga a’ge ano ebabut heberlagarik, omlogo labo a’ge en tegei a’ge ano aluk agarik, 25heman disogo pesi,
“Kanaan, ebe alemat emak o. Arilak eneragam a’ge ’gela’ge logon oruakhwe, at nak e, eneragam a’ge uoat emak o. 26-27Sem aik Allah ’gain Onuk Logo a’ge ai erliktogu lomok o. Kanaan ebe re, Sem emin, Yafet emin, e’birek eneragam a’ge emak o. Ye, Yafet e, at Allah en op a’ge loksogo wogeselat, o eli’go lok a’ge wogemak o. At Yafet en dogoma’gwe a’ge Sem en dogo’gwe a’ge emin e, mesikmu welemak o,” oluk heman enebasulat, luane enebam egeik pogwi ’gela’ge enebasulat, tegei ai o.
28Ik ebe ai wagarikmu en, at Nuh ebe ano umur 350 tahun emin welaga. 29Asogo welagarik, at ebe umur 950 tahun lai lagarik ebe waraga.
Tans Gekies:
Kejadian 9: Wul
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
