Ɛ́séɖɔ̀ Ɛ́séɖɔ̀-cèè-ɖɛ̀ɔ̀ jè kɔ̃in-zaìn-zaìn
Ɛ́séɖɔ̀-cèè-ɖɛ̀ɔ̀ jè kɔ̃in-zaìn-zaìn
Ɛ́séɖɔ̀-nyɛ̀nɛ̀ɔ̀ xwíníín mɔ̀ mú-sɔ̀-sɔ̀. Céè-ɖɛ̀ɔ̀ zaìn kà Éézùɖùɛ̀-nyɔ̀ ɓěɔ̀ nyu gǐì mú sɔ̀ɔ̀ ɖé Íjè-ɓòɖòɔ̀ kɔ̃ɛɛ jè kɔ̃in.
Céè-ɖɛ̀ɔ̀ ge mú dú hĩinyɛ. Dú kĩ́ín-kĩ́ínɔ̀ cɛ̃ Éézùɖùɛ̀-nyɔ̀ ɓěɔ̀ buɛ̀ jè. Dúɔ̀ sɔ̃́ nììnɔ̀ cɛ̃ sɔ̀ Íjè-ɓòɖòɔ̀ kɔ̃ muà Sányà-tòɖòɔ̀ gboɛɛ jè. Ɔ dúɔ̀ tã nììnɔ̀ cɛ̃ wuɖu ɓɛ́ Gèɖèpɔ́ɔ̀ kè ɔ nyɔ ɓěɔ̀ dè ma ɖé Sányà-tòɖòɔ̀ gboɛ kè gma ɓě ɓá kà wa ké cĩ́ɛ nyuɛ ɔ kè kà wa ké Gèɖèpɔ́ɔ̀ ɓièɛ̀ nyuɛ jè dyí. Ɔ dú hwɛ̀ìn-gbɔɔ̀ ɓá Gèɖèpɔ́ɔ̀ jàɖàìn-gbòɔ̀ kè ɖɛ ɓě ké ɖé jàɖàìn-gbòɔ̀ mú nìɛ ɔ kè gma ɓá sáa-zà-nyɔ̀ ɓěɔ̀ Gèɖèpɔ́ɔ̀ ɓiè jè dyíɛɛ dyí.
Céè-ɖɛ̀ɔ̀ dè gbɔɔ̀ cɛ̃ ɖɛ ɓě Gèɖèpɔ́ɔ̀ nyu ma hwɛ̀ ɔ dyi ma ɔ nyɔ ɓěɔ̀ buɛ̀ kɛɛ jè.
Nyɔ kpa ɖɛ nì ɖé céè-ɖɛ̀ɔ̀ múɛɛ mɔ̀ Mózè. Gèɖèpɔ́ɔ̀ gã ma ɔ, ɓɛ́ ɔ ké Éézùɖùɛ̀-nyɔ̀ ɓěɔ̀ ɖé Íjè-ɓòɖòɔ̀ kɔ̃ zà. Wuɖu-kpà kpa ɖɛ nì ɖé Ɛ́séɖɔ̀-cèè-ɖɛ̀ɔ̀ múɛɛ mɔ̀ wuɖu-kpà kpáɖá-nyɔ ɖò. Ɔ zɛɖɛ gma ɓaɖa-bùè ɓěɔ̀ ní.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Éézùɖùɛ̀-nyɔ̀ ɓěɔ̀ buɛ̀-buɛ̀. 1:1–15:21
a. Éézùɖùɛ̀-nyɔ̀ ɓěɔ̀ nì gǐì mú ɖé Íjè-ɓòɖòɔ̀ kɔ̃. 1:1-22
b. Mózè wóɖó-wóɖó kè ɔ ɓúá-ɓúá. 2:1–4:31
c. Mózè kè Eɖóún wùɖù Íjè-kã̀ǎɔ̀ gbo. 5:1–11:10
d. Zĩ̀ìn-Kɔ̃in-hwɔ̀ kè Íjè-ɓòɖòɔ̀ kɔ̃ sɔ̀-sɔ̀. 12:1–15:21
2. Sɔ̀ìn Dyóó Zĩ-zãɔ̀ wĩín muà Sányà-tòɖòɔ̀ gboɛ. 15:22–18:27
3. Gmaɔ̀ kè dèè-wùɖùɔ̀. 19:1–24:18
4. Jàɖàìn-gbòɔ̀ kè kà wa ké ɓièɛ̀ nyuɛ. 25:1–40:38
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bassa Bible © Bible Society Liberia, 2002.