YOANA 15
15
Mũsavivũ na tũũvonge
1 #
Yel 2.21; Sav 80.8. Nyie, ninyie mũsavivũ ũla wa w’o, na Asa nĩwe mũĩmi. 2#Mt 15.13.Kĩla kaũvonge ke nthĩnĩ wakwa katasyaaa, nũkavetaa: na kĩla kaũvonge kasyaaa, nũkatheasya, nĩ kana kongeleke ũsyaa. 3O na yu inyw’ĩ mwĩ atheũ nũndũ wa ndeto ĩla nĩmũtavĩtye. 4Ĩkalai nthĩnĩ wakwa, nakwa nthĩnĩ wenyu. Ũndũ kaũvonge katatonya kũsyaa ke koka, ate o kakĩkala mũsavivũnĩ; ta ũu o nenyu mũtitonya, mũtekwĩkala nthĩnĩ wakwa. 5#1 Ako 12.12,27; 2 Ako 3.5.Nyie, ninyie mũsavivũ, nenyu mwĩ tũũvonge: ũla wĩkalaa nthĩnĩ wakwa, nakwa nĩ nthĩnĩ wake, ũsu asyaaa ũsyao mwingĩ: nũndũ nde vo nyie, mũtĩtonya kwĩka ũndũ nongi. 6#Mt 3.10; 13.40.Mũndũ atekwĩkala nthĩnĩ wakwa, ekaw’a ũtee tondũ kaũvonge kekaw’a, na kakoma; na andũ nĩmatũmbanasya, na maitwĩkya mwakinĩ, na tũivya. 7#Mko 11.24.Mũkĩkala nthĩnĩ wakwa, na ndeto syakwa ikĩkala nthĩnĩ wenyu, voyai ũla mũkwenda w’onthe, na mũkeekwa. 8#Mt 5.16.Asa wakwa nũtaĩawa ũndũnĩ ũũ wa inyw’ĩ kũsyaa ũsyao mwingĩ; na kwĩthĩwa amanyĩw’a makwa. 9O ũndũ Asa ũmbendete, nakwa nĩmwendete inyw’ĩ o w’o: ĩkaalai wendonĩ wakwa. 10#Yoa 8.29; 14.15; 1 Yoa 2.4,8.Ethĩwa nĩmũkwataa mĩao yakwa, mũkekalaa wendonĩ wakwa; o ũndũ nyie nakwataa mĩao ya Asa wakwa, na nĩkalaa wendonĩ wake. 11#Yoa 17.13.Nĩnamũtavya maũndũ aa, nĩ kana ũtanu wakwa wĩthĩwe nthĩnĩ wenyu, na ũtanu wenyu wĩthĩwe wĩ musũu. 12#Yoa 13.34; 1 Yoa 3.11; Mko 12.30.Ũũ nĩw’o mwĩao wakwa, nĩ kana mwendane inyw’ĩ kwa inyw’ĩ, o ũndũ namwendie. 13#Yoa 10.12; 1 Yoa 3.16.Vai mũndũ wĩ wendo mwingĩ ũvĩtũkĩte ũũ, wa mũndũ kũwia thayũ wake nthĩ nũndũ wa anyanyae. 14#Yoa 8.31; Mt 12.50; 28.20.Inyw’ĩ mwĩ anyanyawa, ethĩwa nĩmwĩkaa maũndũ ala nĩmwĩaĩaa. 15Kuma yu ndiũmwĩta ngombo ĩngĩ: nũndũ ngombo ndĩmanya ũndũ vwana wayo wĩkaa: ĩndĩ inyw’ĩ namwĩta anyanyawa; nũndũ maũndũ onthe ala neewĩie kwa Asa nĩmo nĩmũmanyĩthĩtye. 16#Yoa 6.70; 13.18.Ti inyw’ĩ mwanyuvie, ĩndĩ ninyie namũnyuvie, na namwia, nĩ kana mũendae mũisyaa, na ũsyao wenyu wĩkale: nĩ kana o ũla mwĩvoyaa Asa syĩtwanĩ yakwa, amũnengae.
Nthĩ na Veva wa W’o
17Maũndũ aa nĩngũmwĩaĩa, nĩ kana mwendane inyw’ĩ kwa inyw’ĩ. 18#Yoa 7.7; 1 Yoa 3.13.Ethĩwa nthĩ nĩnĩũmũmena, nĩmwĩsĩ kana nĩyamenie nyie ĩtanamba kũmũmena inyw’ĩ. 19#1 Yoa 4.5; Yoa 17.14; Lk 6.22.Kethĩwa mwĩ ma nthĩ, nthĩ ĩthĩwa ĩkyenda ala mayo: ĩndĩ nũndũ mũti ma nthĩ, ĩndĩ namũnyuvie kuma kwa ala ma nthĩ, kwondũ wa ũu nthĩ nĩnĩũmũmena. 20#Yoa 13.16; Mt 10.24.Lilikanai ndeto ĩla namũtavisye, ngombo ti nene kwĩ vwana wayo. Ethĩwa nĩmanthĩnisye, o nenyu makamũthĩn’ya; ethĩwa nĩmakwatie ndeto yakwa, yenyu nayo makamĩkwata. 21#Yoa 16.3; Mt 5.11; 10.22; Mko 13.13.Ĩndĩ maũndũ aa onthe nĩmakamwĩka nũndũ wa syĩtwa yakwa, nũndũ maimwĩsĩ ũla wandũmie. 22Kethĩwa ndyaaũka na nganeena namo, maiĩthĩwa na naĩ: ĩndĩ yu maitonya kwĩmila kwondũ wa naĩ yoo. 23#Yoa 5.23; 1 Yoa 2.23; Lk 10.16.Ũla ũmenaa nyie amenaa Asa wakwa nake. 24#Yoa 14.11.Kethĩwa ndyĩkĩte katĩ woo mawĩa ala mataaĩkwa nĩ mũndũ ũngĩ, maĩĩthĩwa na naĩ: ĩndĩ nĩmambonete na nĩmamenete vamwe na Asa wakwa. 25#Sav 35.19; 69.4.Ĩndĩ nĩ kana ĩla ndeto yĩanĩw’e ĩla ĩandĩkĩtwe ĩla mĩaonĩ yoo, Nĩmamenie vate kĩtumi. 26#Yoa 14.26; Lk 24.49.Ĩndĩ yĩla Mũtetheesya wĩũka, ũla nĩmũtũma kũla mũĩ kũma kwa Asa, nake nĩ ũla Veva wa w’o, ũla wĩuma kwa Asa, we akangũsĩĩa: 27#Lk 1.2; Meko 1.8; 5.23.o nenyu nĩmũũkũsĩĩa, nũndũ nĩmwĩkalanĩtye nakwa kuma mwambĩlĩyonĩ.
Tans Gekies:
YOANA 15: Mbivlia
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
