Акълова 17

17 къаьм

1Раьгьат-гьаьлкилаъ муьхъчаш хъохъова баьбалаш лукӀма ахо гей,

даьъба-йаьжиъ бесал билӀо йоцӀийо зиза̄ хологъана.

2О̄вакьа оᵸкъеэшла оьждигъана цӀодораб лагъ кьодда̄слӀо нисос,

исна̄ъ балӀо битӀийа ирслис бутӀана михъослӀо гьолцол.

3Окколас гьаьл бикъелца цӀойла пирали,

меседлис гьаьл бикъелца цӀойла кутакли,

инсаллила йакӀис гьаьл БетӀергьалли бикъелца.

4Чикейо сукӀо чикейа сикӀахъа энекзи ахъца,

оᵸтӀолаги сукӀона кӀортӀон-миц аьᵸдалаъ ме̄ш.

5Мискилла̄кьа лъоᵸвацас сукӀо ахъца гьолло̄л ба̄хъилло Аллагь охаъцас сукӀо,

сукӀокьа балагь мокъовакьа рази ахъийо сукӀона тамбигьлиъис тиса уьᵸхаъаш.

6Ицила̄с къаьмкьаш – таж гьолцола къовас къова гей,

къовас къадро-къимат – ийо-або гей.

7Аьбдаллила сикӀаъ пасигьабла йаьжбо кьувахъаъас,

гьаькимла̄кьана кӀортон-миц йилӀазу кьухъаъас.

8Ришват ниццала сукӀол пикро бахъца ришватлихъа йогьна йахъаъцас жо гаьъалӀо гицӀна,

гьули на̄ йежена йеᵸкьедана, гьолълъохъа мурад тӀубази бахъцалӀо.

9Лъоди гьинис йакӀо йугъоллолъи йуᵸцоцала сукӀо гьиниъ божи-рокьи дӣскӀис,

бета йакӀо йугъо̄лъи йакӀкьа йоᵸкъолцала гьалмагълъи йугъолца.

10Аᵸкъилликьа аьйиб гуллаъкьа̄ бахъийо асар тели гей,

гьоᵸсчӀитӀ кӀобала баькьенна аьбдаллил бахъийа асарлигъа.

11Чикейо сукӀо питна баьгъиълал иᵸгьолда̄зу ахъца,

амма лъаькъейо наиб оᵸкъосса̄ъ гьолцокьа кьодо.

12КӀапӀейа йагъоллийо сӣᵸгъой кези ахъийолъи ахо гей,

аьнтлъила аᵸлъо йоцӀийо аьбдал кези ахъийагъа.

13КӀетӀослъилал кешлъи йогьцала билӀоъос кешлъи йолъал рес гаьъа.

14Даьъба-йаьже йахъийолъи йеᵸлъейо гей мосийа кӀа̄ьъаш гиса йогицӀал гьаьдур йахъийа эᵸхелъ;

даьъба-йаьже йолъола йуьᵸхолъал аьᵸйда̄.

15БетӀергьаллил йатӀаъцас къона жо гей –

аьйиб гаьгьийо ритӀухъ о̄йолъина

аьйиб гаьччал тамбигь бо̄йолъина.

16Аьбдаьллила ко̄ъ окко сийо йовалди?

Аᵸкъиллъи йохалди?

Гьолълъонна аᵸкъло оьлаъаш гьолцос.

17Гьалмагълис рокьи кӀетӀо-цаццо йо̄слаъ загьир йахъца,

къарилъи кьодо йоᵸкъолъ мийахъал ба̄цца иснана.

18Аᵸкъло гаьчча сукӀо йаькьенна ко̄на йохна аманат бо̄с,

сукӀос нагьлъи йоцӀослӀо нисона йаьжена ницца.

19Даьъба-йаьже йахъал йатӀийо сукӀо –

мунагь бовал баццас сукӀо гей.

ЧӀугьзи ахъна кав гьоъокьакӀцас сукӀо –

гьинизу жу лӀийода̄кӀцас сукӀо гей.

20ЙакӀиъ чикейо къас гаьгьийа̄л талигьаб водо йоᵸкъаъас;

кӀортон миц баькьелцала̄нна балагь мокъос.

21Аьнтаб оьжо къайбакьа зогъда къарилъи кьодос йолъаъас,

аᵸкъло гаьчча оьждина або рази оваъас.

22ЙакӀо аваданлъи – инсан сагъ огьцас дару гей,

йакӀо къарид йахъда лӀоьᵸва хъохъос.

23Лъаькъейа сукӀол ришват аᵸгъаъас бокчина ницца,

гьолцо мекъаб гьоькмо боваллъид.

24ЦӀодораб сукӀо аᵸкъойцӀо аᵸкъиллъи гаьлъа̄чо говацӀона ахъца,

аьбдаллис гьаьйда гьуги-гьотта̄ гувабацӀона йа̄хъца.

25Аьнтаб оьжо – абос йакӀис унти гей,

гьули о̄ва ийола йакӀил – пашманлъина гей.

26Аьйиб гаьччал тамбигь бо̄йолъи лъаькъейо жо гей,

вагьалла̄зу чикейо гей йакӀо йаᵸцо̄ гаьгьийадда̄ла гьаькимла лӀуьручӀбад ба̄ькьеллолъи.

27Илмо-лъай гаьгьийа йаьже пикро богьна нисос,

цӀодораб сукӀона гьинил жу йогъодакьа ахъца.

28ГьокӀ йоъинна эчецас аьбдална аᵸкъиллъилаъ икъелца,

сикӀо йиᵸхъона эчеда цӀодораблъилаъна бикӀзи о̄с.

Tans Gekies:

Акълова 17: KapPROLUK

Kleurmerk

Deel

Kopieer

Акълова 17

Gewilde Bybelverse vanaf
Акълова 17

Bybel:

бежкьалас миц

Weergawe: Анкълова, Лука - KapPROLUK