Openbaring 20:4

Toe het ek trone gesien, en daar het mense op die trone gesit. God het gesê daardie mense mag oordeel. Ek het ook die gelowiges gesien wat dood is, mense het daardie gelowiges se koppe afgekap omdat hulle vir ander mense vertel het van Jesus en van wat God gesê het. Hulle het nie die dier en sy beeld aanbid nie en hulle het ook nie die merk van die dier op hulle voorkoppe of op hulle hande laat maak nie. God het hulle weer laat lewe en hulle het 1 000 jaar lank saam met Christus regeer.