يُحَنَّ 3
3
نغٜىٰوْتَ عِيسَى بٜى نِکٛدٜمُسْ
1وٛودِنٛ غٛطّٛ ندٜرْ ڢَرِسَعٜنْ، عِنْدٜ مَاکٛ نِکٛدٜمُسْ، عٛ غٛوتٛ ندٜرْ عَرْدِيࢡٜ يَحُودُعٜنْ؞ 2عٛوَرِ حَا عِيسَى بٜى جٜمَّ، عٛوِعِمٛ: «مٛودِبّٛ، مِنْ عَنْدِ عَ عٜکِّتِنٛووٛ مٛ اَللَّه نٜلِ طُمْ، نغَمْ وَلَا کٛو غٛوتٛ وَاوَتَ وَطُغٛ کَايٜىٰڢِيجِ بَنَ طِ عَوَطَتَ، سٛنَا تٛ اَللَّه طٛنْ وٛنْدِ بٜى مَاکٛ؞» 3عِيسَى جَابِمٛ: «غٛونغَ مِوِعَتَ مَ: تٛ نٜطّٛ دَࢩَاکَ طِطَوْرٜ، عٛوَاوَتَا يِعُغٛ لَامُ اَللَّه؞» 4نِکٛدٜمُسْ ࢨَمِمٛ: «تٛ نٜطّٛ ندٛتِّدِ، نٛيْ عٛحٜࢡْرَتَ دَࢩٜىٰغٛ ڢَحِنْ؟ عٛوَاوَنْ نَسْتُغٛ رٜىٰدُ دَادَ مَاکٛ، عٛدَࢩٜ ڢَحِنْ نَ؟» 5عِيسَى جَابِمٛ: «غٛونغَ مِوِعَتَ مَ: تٛ نٜطّٛ دَࢩَاکَ ڢَحِنْ بٜى ندِيَمْ عٜ بٜى رُوحُ، ندٜنْ کَمْ عٛوَاوَتَا نَسْتُغٛ لَامُ اَللَّه؞ 6کٛ دَࢩَ عٜ يِمْࢡٜ، طُمْ ࢡَنْدُ تَنْ؞ کٛ دَࢩَ عٜ رُوحُ، طُمْ رُوحُ؞ 7تَا حَيْطِنْ نغَمْ مِوِعِ مَ: حَانِ عٛنْ ندَࢩٜ طِطَوْرٜ؞ 8حٜنْدُ طٛنْ وِڢَ حَا ندُ مُويِ ڢُو، عَطٛنْ نَنَ سٛࢩٛ مَارُ، عَمَّا عَحٜࢡْتَتَا تٛيْ ندُ عِوِ مَلَّ تٛيْ ندُ يَحَتَ؞ بَنَ نٛنْ طُمْ لَاتَنْتٛ دَࢩَاطٛ دِغَ رُوحُ؞» 9نِکٛدٜمُسْ ࢨَمِمٛ: «نٛيْ طُمْ وَارٛتٛ؟» 10عِيسَى جَابِمٛ: «عَنْ عَ مٛودِبّٛ إِسْرَاءِيلَعٜنْ، عَعَنْدَا طُمْ نَ؟ 11غٛونغَ مِوِعَتَ مَ: مِنِنْ مِنْ طٛنْ مبٛلْوَ کٛ مِنْ عَنْدِ، مِنْ طٛنْ شٜىٰدٛ کٛ مِنْ نغِعِ بٜى غِتٜ عَمِنْ، عَمَّا بٜى نٛنْ ڢُو عٛنْ نجَࢡَتَا سٜىٰدَمْکُ عَمِنْ؞ 12تٛ عٛنْ نُطِّنَايْ يَمْ ندٜ مِوٛلْوَنِ عٛنْ حَالَ کُوجٜ دُنِيَارُ، نٛيْ عٛنْ نُطِّنِرْتَ تٛ مِوٛلْوَنَنْ عٛنْ حَالَ کُوجٜ عَسَمَ؟ 13وَلَا مٛ مٜىٰطِ يَحُغٛ حَا عَسَمَ، سٛنَا مٛ عِوِ حَا عَسَمَ، وَاتٛ ࢡِي-نٜطّٛ؞
14«بَنَ نٛ مُوسَى ࢡِلِرِ مبٛودِ نجَمْندِ مبٛطٜىٰرِ دٛوْ لٜغَّلْ ندٜرْ لَدّٜ، بَنَ نٛنْ بٛو سٜيْ ࢡِي-نٜطّٛࢡِلٜ#لِمْلٜ 21:9؞، 15نغَمْ حَا کٛو مٛيْ نُطِّنِمٛ حٜࢡَ نغٜىٰندَمْ ندُومِيطَمْ؞ 16اَللَّه يِطِ دُنِيَارُ مَسِنْ؞ نغَمْ مَاجُمْ عٛحٛکِّ ࢡِطّٛ مَاکٛ بَجّٛ؞ کٛو مٛيْ نُطِّنِ ࢡِطّٛ عٛو، حَلْکَتَا، عَمَّا عٛحٜࢡَنْ نغٜىٰندَمْ ندُومِيطَمْ؞ 17اَللَّه نٜلَايْ ࢡِطّٛ مُمْ ندٜرْ دُنِيَارُ نغَمْ حِيتَاغٛ ندُ، عَمَّا نغَمْ حَا دُنِيَارُ حٜࢡْرَ کِسْندَمْ بٜى مَاکٛ#رٛمَعٜنْ 5:8؞؞
18«کٛو مٛيْ نُطِّنِ ࢡِطّٛ عٛو، عٛحِيتَتَاکٜ؞ عَمَّا مٛ نُطِّنَايْ مٛ، عٛحِيتَامَ، نغَمْ عٛنُطِّنَايْ ࢡِطّٛ اَللَّه بَجّٛ؞ 19ندَا نٛ کِيتَ مَنْ وَعِ: أَلنّٛورَ وَرِ ندٜرْ دُنِيَارُ، عَمَّا يِمْࢡٜ دُنِيَارُ ࢡُرِ يِطُغٛ ࢩِࢡْرٜ دٛوْ أَلنّٛورَ، نغَمْ کُوطٜ مَࢡّٜ طٜ کَلُّطٜ؞ 20نغَمْ کٛو مٛيْ تٛ طٛنْ وَطَ حَلّٜىٰندٜ، طٛنْ وَࢩَ أَلنّٛورَ، عٛوَرَتَا حَا أَلنّٛورَ، نغَمْ عٛحُلَنْ تَا کُوطٜ مَاکٛ کَلُّطٜ مبَنغَ؞ 21عَمَّا مٛ طٛنْ وَطَ غٛونغَ، وَرَنْ حَا أَلنّٛورَ، نغَمْ حَا طُمْ وَنغَ نٛ عٛطٛوْتَنِ اَللَّه بٜى کُوطٜ مَاکٛ، کُوطٜ مَاکٛ کُووَامَ بٜى يٜرْدُيٜ اَللَّه؞»
عِيسَى عٜ يُحَنَّ بَطٛووٛ بَݠْتِسْمَ
22ࢡَاوٛ مَنْ عِيسَى يَحْدِ بٜى ݠُکَرَعٜنْ مُوطُمْ حَا لٜسْدِ يَحُدِيَ؞ عٛڢَࢡِّدِ بٜى مَࢡّٜ تٛنْ سٜطَّ، عٛوَطَنِ يِمْࢡٜ بَݠْتِسْمَ؞ 23يُحَنَّ بٛو وَطَنِ يِمْࢡٜ بَݠْتِسْمَ حَا عَيْنٛنْ، ࢡَدِيطُمْ بٜى سَلِمْ، نغَمْ ندِيَمْ طُوطَّمْ طٛنْ تٛنْ؞ يِمْࢡٜ طٛنْ نجَحَ حَا مَاکٛ نغَمْ وَطَنٜىٰغٛ بَݠْتِسْمَ؞ 24سَاعِ مَنْ ࢡٜنَسْتِنَايْنٛ يُحَنَّ حَا ڢُرْسِنَ#3:24 ڢُرْسِنَ مَلَّ يَنغَدَ؞ تَوٛنْ#مَتَّ 14:3؛ مَرْکُسْ 6:17؛ لُکَ 3:19-20؞؞
25تٛنْ، نغَابَ عُمِّ حَکُّندٜ ݠُکَرَعٜنْ يُحَنَّ عٜ يَحُودُوجٛ دٛوْ حَالَ لَࢡِّنٜىٰکِ؞ 26ࢡٜنجٜحِ حَا يُحَنَّ، ࢡٜمبِعِمٛ: «مٛودِبّٛ، مٛ وٛنْدُنٛ بٜى مَاطَ غَطَ مَايٛ عُرْدُنْ، مٛ عَسٜىٰدِنٛ طُمْ، ندَا عٛطٛنْ وَطَنَ يِمْࢡٜ بَݠْتِسْمَ، يِمْࢡٜ ڢُو طٛنْ نجَحَ حَا مَاکٛ؞» 27يُحَنَّ جَابِ ࢡٜ: «وَلَا مٛ حٜࢡَتَ کٛو طُمٜ سٛنَا تٛ اَللَّه حٛکِّمٛ طُمْ؞ 28عٛنٛنْ بٜى کٛعٜ مٛنْ عٛنْ مبَاوَنْ سٜىٰدَاغٛ نٛ مِ بِعْطٛ: نَا مِنْ وٛنِ اَلْمَسِيحُ، عَمَّا مِنٜلَامَ نغَمْ مِعَارْتَ مٛ#يُحَنَّ 1:20؞؞ 29ࢡَنغْطٛ، کَنغْکٛ وٛنِ مَرْطٛ دٜبّٛ مَنْ؞ عَمَّا سٛوبَاجٛ ࢡَنغْطٛ دَرِيطٛ کٛمْبِ مَاکٛ، نَنَنْطٛ سَوْتُ ࢡَنغْطٛ، سٜيٛرْتٛ نَنُغٛ سَوْتُ ࢡَنغْطٛ مَسِنْ؞ بَنَ نٛنْ سٜيٛ عَمْ بٛو، نغٛ حٜىٰوِ جٛنْتَ؞ 30سٜيْ مَنغُ مَاکٛ ࢡٜسْدٛ، نغُ عَمْ بٛو عُسْتٛ؞»
مٛ عِوِ حَا عَسَمَ
31عِوْطٛ دِغَ دٛوْ طٛنْ دٛوْ کٛو طُمٜ ڢُو؞ عِوْطٛ حَا دُنِيَارُ بٛو عٛ غٛطّٛ دُنِيَارُ، عٛطٛنْ وٛلْوَ حَالَ دُنِيَارُ بٛو؞ عِوْطٛ دِغَ عَسَمَ طٛنْ دٛوْ کٛو طُمٜ ڢُو؞ 32عٛطٛنْ سٜىٰدٛ کٛ عٛيِعِ عٜ کٛ عٛنَنِ، عَمَّا وَلَا جَࢡَنْطٛ سٜىٰدَمْکُ مَاکٛ؞ 33مٛ جَࢡِ سٜىٰدَمْکُ مَاکٛ، غٛونغْطِنِ اَللَّه عٛ غٛونغَاجٛ؞ 34نغَمْ مٛ اَللَّه نٜلِ طٛنْ وٛلْوَ حَالَ اَللَّه، نغَمْ اَللَّه طٛنْ حٜبِّنَ مٛ بٜى رُوحُ مُوطُمْ بِلَا کٜىٰرٛلْ؞ 35بَابِرَاوٛ يِطِ ࢡِطّٛ، حٛکِّمٛ بَاوْطٜ دٛوْ کٛو طُمٜ ڢُو#مَتَّ 11:27؛ لُکَ 10:22؞؞ 36مٛ نُطِّنِ ࢡِطّٛ، حٜࢡِ نغٜىٰندَمْ ندُومِيطَمْ؞ مٛ نُطِّنَايْ ࢡِطّٛ حٜࢡَتَا نغٜىٰندَمْ، عَمَّا تِکّٜرٜ اَللَّه طٛنْ تَبِتِ دٛوْ مَاکٛ؞
Tans Gekies:
يُحَنَّ 3: داَ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Fulfulde Bible Ajamiya © Bible Society of Cameroon, 2016.
