Gewilde Bybelverse vanaf Genesis 21

Deel

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

Haen amuppa Kayak Nug nidnu gayak doye, nuhig engel hab aabppanu Hagar onigppa eum. “Hagar attem he gaattem? Kayak Nug nid danab nahip laih uppa niitte amu, Nug nuhig gayak doyom amunu, na aib baɗame. Na gona, nid nahip atogno! Aɗinu? Da heppi, nug buɗuppud ag appatna, huu okkainab, ɠagattag ele daaglag,” awa aum.

Nug he, Sarah nug oo ele daye, Abraham nug danab kaino oiyeye, Sarah nug nid danab menuom. Kayak Nug anukka Abraham amegppa hekkunu nai ana qakkom amu, haen amuppanab Sarah nug nid menuom.

nug aum. “Kayak Nug he, da imak maɗoɗppan gamag ahakppanu aomi daattem. Amu danab laa oh ag keeke dahilppa beum dooglag amu, ag ele anamib dooglag,” awa aum.

Nug oo uugnab doyom, amge Kayak Nug Abraham amegppa aum. “Na Hagar, bekka ele dilah oot uugnab aib doome. Sarahnu nai amu dim lamitte! Aɗinu? Na buɗunadnab am Aisak, nuhigppa bekkulag.

Da heppi, Hagar bekka buɗub ag ele huu okkai bena, wanppan wan laa ahilag, ag appa daaglag. Aɗinu? Nug ele na bekkat,” awa aum.