Gewilde Bybelverse vanaf YOHANE 10

Deel

Shwǔŋ sɔ' yə pɑ̀ nə zhʉ̀, nə zhwə, kɑ nə ghə a pi lə; tə́ gɑ̌ sɔ' po'o gɑ́ pɔmnəŋ ghə vɔ̀k, biŋ shəŋtə gə a yɔm.

Gɑ̌ bɑ́ byap dzə́ pɑpúŋ: Byap dzə́ pɑpùŋ hɑ vɔk e nə thə́ jʉ̀jʉ̀ tsyə́.

Mjʉ̀jʉ̀ tsɑ̌ ju' gi a, biŋ bɑ jyə wap. Wap pɑ̀ jap jʉ̌m m̀.

Biŋ bɑ hɑ vɔk mama bi pú; wap tə́ gɔ la' pfʉ pɑ́, a sɔmmo lə nəŋ ŋkwi wap nə bu mə̌.

Gɑ̌ bɑ́ jyədyə̌, mo yə e cyə m nə m̀ a, bɑ e gɔ sɔ' vɔk, e gɔ pɑ̀ kə́ká, yɔ ywətsʉ.

Gɑ̌ bɑ byap dzə pɑpuŋ. Gɑ̌ bɑ gɑ̌ zhyə́ jʉ̀jʉ̀ tsɑ̌, jʉ̀jʉ̀ tsɑ̌ piŋ jyə́ a

Tá a yə e hɑ wap bəm a bɑ e ghu' shyə guŋ ywə awɛ, a piŋ bɑ bi a pɑ́ sɔmmo lə kwi ywə pu e. Pyə Tá a bɑ pɑ́ yɑmu'.

dəŋdəŋ pa' Tá a bɑ ě zhyə́ a, biŋ jyə́ Tá a á, biŋ bɑ́ hɑ vɔ̀k á nə mjʉ̀jʉ̀.

Tə́ sɔmmo nə́ ŋkwi bəm pɑ̀, pɑ́ myə̀ nə hɑ. Gɑ̌ bɑ gɑ̌ ghə tʉ̀ɔ nə nthak, biŋ gə tʉɔ nə biŋ ŋkwi: A pɑ́ mco' myə gɑ ŋkwi bi Tá a lə.

Yeso piŋ ŋkwi' gɔm gɑ: Kwa' nyənyɔ nyənyɔ gɑ̌ siŋ wɔ gɑ́ gɑ̌ bɑ́ jyədyə̌ mjʉ̀jʉ̀.

Mo yə e fa' yə pɑ́ ŋkhap e, la' e pɑ kwa' byap dzə, la' mjʉ̀jʉ̀ pɑ́ tsyə a, shwə tə́ jɔ bvʉ́ gǒ, gwa' mjʉ̀jʉ̀, ŋkhʉ; bvʉ́ gǒ lɑ́ tsʉ' sɛtə mjʉ̀jʉ̀.

Kwa' nyənyɔ nyənyɔ gɑ̌ siŋ wɔ gɑ mo yə e nthak jyə̀ ka dzə́ nəŋ ja' m nə mu' ghəŋ pé tə́ ŋkho ka dzə a, mo bɔ bɑ́ shuŋ biŋ bɑ́ samshwə.