Gewilde Bybelverse vanaf SAN LUCAS 23

Deel

De ya'i aj Jesús u yäli ca'da: ―Cä Pap, cherbenob perdona u tanäjob jini machcatac mu' u tz'ibajtesanonjobba, uc'a mach yuwijob cua' mu' u chenob ―ca'da u yäli aj Jesús. U bucla aj Jesúsba u yäläsijob uc'a u jiranob caxcatac une u xe u ch'e'.

De ya'i aj Jesús u yälbi ca'da: ―Totojtoj cälbenet que daliba q'uin a xe tä ajtä nämte' t'oc no'on bajca ni u yälbinte u c'aba' tä paraísoba.

De ya'i jini winic u yälbi aj Jesús ca'da: ―C'ajti'inon ta' xe tä te a chen mandaba.

De ya'i aj Jesús u chi noj gran t'an u yäle' ca'da: ―Cä Pap, cä'benet ta' c'äb cä pixan. Jimba rato que u yäli ni t'an jini, chämi.

Tu c'otejob ya'i bajca u yälbinte u c'aba' tä Calavera u sämbijob u c'äb aj Jesús tä cruz. Che' chich täcä u chijob t'oc jini que u c'ac'a' sätijob t'oc ni ley tuba ni cajba. U yäq'uijob untu tu noj aj Jesús y otro untuba tu tz'ej.

Desde tänxin q'uin hasta las tres de la tarde yäli ump'e noj gran it'obni tu pancab. U bäli uba u jut q'uin y tajqui u noq'ui ni noj ch'u'ul otot tuba aj judíosob.

Tu chänen ni ajnoja ta cien soldadoba cua'tac ajni u täq'ui u ch'u'ul c'ajti'ben u c'aba' Dios. U yäli ca'da: ―Totojtoj jinda winic mach ajni niump'e u tanä.