Gewilde Bybelverse vanaf Mateo 10

Deel

Jesosaa o shajjaꞌajjajji cuana huohui canaje peaꞌai: —Eyaya miya huoojeaña dejja quea mase ibia jama huasijje. Miquianaya quea beijo ohuaya mi napa ca chanaꞌ. Jamajjeya ¡quea jjashahuabaqui jaꞌa pocue! ¡Quea bei pocue; mimishiꞌama peaꞌai!

Dejja mimishi cuaa ecuea epeejji quecua ca chanaꞌ. Jamajjeya quea mete nee neejo enijje jjapeequi sa po ajja. Cuaqui yasijje dobiquijeꞌyo tiitii. Joya enijje jjapeequiani ca ca dejja mimishi cuaa quecua cajeꞌyo pojjaꞌa. Jamatii. Manoꞌyo majje enijje baꞌe tiitiijeꞌyo quea pame nee eyajo —Jesosa poanaje.

Ojjaña cuanajo, eshahua cuanajo peaꞌai ¡aꞌa quea mete pojji! Oya cuanaa miya quecua cajeꞌyo pojjaꞌa. Jamatii, miquea edojjoshahua mano meemee ajja. ¡Eyacuiñajji oe neijo jjashahuabaquicue! Shajjamaꞌ poajo ohuaya miya mano meeꞌyo majje cuaqui yasijje jea cajeꞌyo miquea edojjoshahua —Jesosa poanaje.

Eyaya Eyacuiñajjija esohui huohuiañajo, pea cuana enijje quea quene poajeꞌyo. Dejja mimishiya enapa ca poani jjejojo enijje mi jjapeequiani. Ojjaña joya e jayojjaya baꞌe sa po ajja ecuea epeejji pojjeama. Eꞌe, jiquio ecua acui ecueataꞌapee quea camaja eꞌabojji jama jayojja enijje jjapeequiyajo quea camaja poaje.

—Beca cuaa bichoꞌama huohui cani: “Eꞌe, eya ca iña bichoꞌama Jesosaja epeejji eꞌe jojo nei”. Jamajjeya eyaya ecue Chii eyajo ani huohuije bichoꞌama jama baꞌa: “Eꞌe, oya cuana ecuea epeejji eꞌe jojo nei”. Pea cuana quea bicho poani: “Cho, eya Jesosa Quitoja epeejji pojjeama”. Jamajjeya eyaya ecue Chii eyajo ani huohuije jama baꞌa: “Cho, oya cuana ecuea epeejji pojjeama. Cajaa” eyaya aje —Jesosa poanaje.

¡Emanojaa cuana jjaajaqui meeꞌyocue! ¡Emanoꞌyo cuana shequi mee oꞌoyacue! ¡Dejja batata epoꞌyo cuana jjajeaqui meeꞌyocue peaꞌai! ¡Eshahua cuana dejja cuana huasijje dobiquiajo huoojeacuayajeaꞌyocue peaꞌai! Eyaya miquianaya huaquia meesahuaña pea dejja cuana sosemaꞌ. Jamajjeya ¡pea cuana quea bihui nee oe huaquia meeꞌyocue sosemaꞌ!

Jamajjeya ¡aꞌa quea mete pojji! Cuichojji cuana Eyacuiñajjija nahueꞌama; miya ca ca ojaya quea nahue nee nee —Jesosa poanaje.

—¡Aꞌa jjashahuabaquijji eya poeyanaje ojjaña cuana ojjaña meshijo ojee quea bei baꞌe meeya! Chojja, de. Pea cuana quea mase poaje ecuea epeejji cuana nijje.