Gewilde Bybelverse vanaf Spreuke 16

Deel

Ken die Here in alles wat jy wil doen, dan sal Hy jou help om dit uit te voer.

Elke mens beplan sy lewe, maar alles hang van die Here af.

Mooi woorde is soos iets lekkers. Aangenaam om te eet. Goed vir die liggaam.

’n Mens maak baie planne, maar die Here besluit of dit suksesvol sal wees of nie.

Wie sy humeur kan beteuel, is sterker as die sterkste mens. Wie sy drange en emosies kan beheer, is magtiger as baie magtiges.

Wie dink hy is beter as ander, word verneder. Trots lei tot ondergang.

Alles wat ’n mens doen, lyk vir hom reg. Maar die Here weet waarom ons dit aanpak.

Wie na die Woord luister, sal die goeie van die lewe ervaar. Wie op die Here vertrou, is lewenslank gelukkig.

Liewer eerlik wees en min besit as ’n sak vol geld wat oneerlik verkry is.

Soms lyk ’n lewenstyl goed en reg. Uiteindelik bring dit net ellende.

Mense wat ompaaie met die waarheid loop, veroorsaak oral rusie. ’n Skindertong vernietig mooi vriendskappe.