Gewilde Bybelverse vanaf Mat 9

Deel

Ruum aj re', re' Jesús je' wili xuq'or keh i raj tahqaneel: Re' taqe i tinamit wili je' kikab' i tik xa jacharik chik iraaj. Xa nkaaj chik kib'iram i k'uhb'aal. Xa re' la', re' taqe aj kamanoom xama' k'ih ta wo' tii taqe. Je' re' noq re' taq i hat, cha pahqaaj taq reh i Dios chi chutaq'aaj chaloq taqe i q'orol ree ruk'uhb'aal. Reh chi neen q'orarik keh i tinamit wili, inki Jesús.

Re' taq i hat, cha tijej taq riij ruq'or taqe i q'orik wili: Re' hin re' ketelinik wachiis inwaaj, ma' nwaaj ta chi chikop taq i nee nayeew chi amayiij, inki. Ruum aj re', re' hin ma' xin chalik ta chi kisik'ariik i korik wach kik'ux. Xinchalik la' chi kisik'ariik i aj mahk, reh chi neenkiyot' i kik'ux, inki.

Noq xrilow kiwach i ma' k'isa tinamit i Jesús, xuketelaaj kiwach, ruum ti' kik'ux, eh ma' nkireq ta chi riij chib'ih naa kianam, xa je' kikab' i tentzun ma' xta cha'jen keh.

Noq xrib'iraj chi je' re' i Jesús, je' wili xuq'or keh: Re' ma' xta kiyab'ilaal ma' xta kamaj keh i aj iq'omaneel, re' taqe yowaab' ra'j ajwaal wach chi keh re' aj iq'omaneel.

Re' Jesús xub'ehuj paam taqe tinamit, je' wo' pantaq ab'iix. Eh chupaam taqe paat inlooq'jik wii' Dios xub'an i tijinik xuq'or rib'iral i ak' k'uhb'aal re' i runimaal rajaawriik i Dios xuk'achrisaj taqe i xa reh reh wach kiyab'ilaal, eh xa reh reh wach kiti'kiil.