Gewilde Bybelverse vanaf Mat 5

Deel

Re' i saqumb'al inqoparik pampaat, ma' nee ta rub'an chi neentak'ab'jik naah chi kaxoon, taxaaj la' inye'arik, reh chi neerusihq'eej chu'nchel i wilkeeb' pampaat. Je'-oq re' noq neensihq'inik taq asaquumaal i hat chikiwach i tinamit. Noq neenkilow chi holohik taq ana'ojb'al, neenkiloq'ej taq aaWaJaaw i wilik cho pan taxaaj, inki Jesús.

Eh hat wo' taq rusaqumaal i tinamit wach ak'al. Chakoj taq rehtaal jino'q i tinamit nah yuuq' wilik ma' nee ta rub'an chi nee rukeb'aa' riib'.

Atoob' keh i saq wach i kánima, ruum re' keh naakilom wach i Dios.

Atoob' keh i xankotwaaj chik rub'anariik iraaj i Dios, ruum re' reh naa rutoob'iniik keh chub'anariik.

Eh re' hin i nuq'or taq aweh chi chak'ax taq i ki-ixowanik taq awach. Xa suq taq tiq'oroq kuuk' i ma' holohik ta kiq'orik taq chawiij, eh cha a'n taq otob'il keh i ma' suq ta taq tikilow. Eh cha a'n taq atiij chikiij i kib'ajwik taq aweh, i ma' tiklik ta kib'anik taq aweh.

Atoob' keh awach inkireq chi riij chi ko wilik i ajwaal wach chi keh ruuk' i kinimaniik ruum re' keh kiehtrik i runimaal i rajaawriik i Dios.

Atoob' keh inkichop kik'ux chusik'ariik i wihik pansuqkiil k'uxliis, ruum re' keh naa kikahniik chi rak'uun rixq'uun i Dios taqe.

Atoob' keh inkikoj rehtaal chi ntz'irik kiwach, ruum re' Dios naa ruye'wiik rusuqkiil kik'ux.

Atoob' keh inkikuy i ti' k'axik imb'aan keh ruum i rub'anariik iraaj i Dios, ruum re' keh kiehtrik i runimaal i rajaawriik i Dios.

Atoob' keh inkiketelaaj wach i kas kichaaq', ruum re' Dios naa ruketeliniik kiwach i keh.

Atoob' taq aweh i hat wila' xakuy taq i b'ajarik, i ti' k'axik neenkian taq aweh, noq neenkitz'aq wach i xa reh reh wach chi chukuj q'orik taq chawiij ruum i nunimjiik i hin. Eh xti suuqb'oq taq ak'ux ruum naa taq ak'ulum jinaj runimaal kooch ar pan taxaaj. K'oloq taq panak'ux chi je' wo' re' noq x-ixoowjik cho kiwach taqe jalal ruq'oral i Dios xi wihik cho pampeet, inki Jesús.

Atoob' keh i xa ch'ub'ik wach kik'ux, ruum re' keh naakik'ulum chi kiye'aab' i q'orooj cho rib'iral keh ruum i Dios.

Re' taq i hat, hat taq ratz'amil i tinamit wach ak'al. Chakoj taq rehtaal aatz'aam noq ma' ki'toq'ik ta chik, ma' xta chik inkamanik wii' inq'eb'arik reje, inyeq'eb'ik paam kuum i tinamit.

Re' taq i hat korik-oq taq wach ak'ux, je' rukab' taq aaWaJaaw wilik cho pan taxaaj korik wach ruk'ux, inki Jesús.

Korik, tiko'q taq, wila' korik taq inaq'or. Eh ma' korik taj tiko'q taq wi ma' korik taq inaq'or, ruum wi xa tiq taq i koq naah, xa ruuk' chik i aj Yahm inchalik, inki Jesús.

Re' taq i hat ab'iram taq i q'orooj cho chi je' wili: Awach x-puch'wik reh i naq'awach i hat, chapuch' wo' chik inaq'wach i reh. Eh awach xtohwik reh i wach aweeh i hat, chatoh wo' chik i wareeh i reh, ki uchjik. Eh re' hin i nuq'or aweh chi maaq'aj wach reh i ma' tiklik ta imb'anik aweh. Wila' xsak'arik i pan wach juntar, chuyeew wo' chik chi sak'arik i juntar.

Ruum aj re', re' hat, wila' re' i rusak'aaj naq'awach inq'eb'wik aweh pamahk, chawisaj iloq. Chaq'eb' reje wulu', ruum ma' xta reet chi nee naq'eb' jino'q i naq'awach chuwach chi neenooj chu'nchel ati'jolal pan q'aaq'. Eh wila' re' i rusak'aaj aq'ab' inq'eb'wik aweh pamahk, chayok' iloq. Chaq'eb' reje wulu', ruum ma' xta reet chi nenaq'eb' jino'q aq'ab' chuwach chi nenooj chu'nchel ati'jolal pantojb'al amahk, inki Jesús.