Gewilde Bybelverse vanaf Mat 26

Deel

Ma a'n taq chik i wirik cha a'n taq atiij, reh chi ma' nee ta taq ti q'ehb'ik pamahk. Korik, re' taq i hat chu'nchel taq awánima chi nunimjiik xa re' la', re' taq ati'jolal ma' xta rukowiil, ki uchjik.

Eh je' wili i xuq'or keh: Re' hin yohb'aal wach tz'irkiil inwik'raaj pan wánima, je' nche xanaa chik nukimiik noq inwik'raaj, tikaan pee taq ayu' xa re' la', mat wirik taq, reh chi nee taq kinawuhch'ihleej, inki.

Re' Jesús k'isiin chik xb'ehik reje, ar xuk'utzaa' qohoq i naah wach aak'al, eh xub'an rutiij, je' wili xuq'or: Hat waJaaw, wila' neeruyee riib' chawach, maayeew q'ab' chi nee nuk'ul i ti' k'axik wili. Xa re' la', ma' ta naq neemb'aan inwaaj i hin re' ta la' naq neemb'aan inawaaj i hat, inki.

ruum re' wilik chupaam i rujalwaach i nukik'eel, re' i naa ruchihkiik chi k'axb'al keh i ruk'ihaal tinamit, kuyb'al reh taqe kimahk reh chi naa rojiik eloq wach i ruyejaam cho wach i Dios.

Eh noq k'ahchi' chik keeb' chi wi'k, re' Jesús xuchop chaloq i kaxlanwi'k, xut'iosej johtoq ree Dios. Xuch'uy xuyeew keh i raj tahqaneel, je' wili i xuq'or keh: Yu'naak chak'ux taq i kaxlanwi'k wili re' i rujalwaach i nuti'jolal, inki.

Eh xuchop chaloq, i kulk xut'iosej johtoq ree Dios, xrik'saj reje keh i raj tahqaneel, je' wili xuq'or keh: Chawuk'ej taq aweh i hat i wilik chupaam i kulk wili

Eh xsutinik wo' chik chaloq kuuk' i ixib' chi raj tahqaneel, eh suq kiwiriik noq xk'ulik taqe rureq. Eh xruksaj taqe, je' wili i xuq'or ree Pedro: Re' taq i hat ni xata xakuy taq junk'aam-oq chi na'lik taq aweh chi wuch'ihljiik.

Xa re' la', re' hin i nuq'or taq aweh chi komajaa' pee chik naawuk'em i riis uuva wili kore' chik na' chureq i ruq'ijil na' anwuk'ej i ak' riis uuva taq awuuk' pa runimaal rajaawriik i waJaaw pan taxaaj, inki Jesús.

Re' Pedro xk'ulik cho paruk'ux i q'orooj cho reh ruum i Jesús chi je' wili: Noq komajaa'-oq inoq'ik imaas, re' hat oxpech naa aq'orom chi ma' aweht'al ta nuwach, i nuchjik. Eh ruum i ruti'kiil ruk'ux i Pedro, xasuq suq chik inoq'ik noq xelik reje ar.

Na'lojoq taq aweh taq taq. Re' i naa ruk'ayiniik weh chi ma' eht'alimaj xk'ulik chik chaloq, inki Jesús.

Eh je' wili i xq'orarik reh ruum i Jesús: Chamol qohoq ach'ihch' parupaat, ruum chu'nchel i kikansanik ruuk' ch'ihch', ruuk' wo' chik ch'ihch' naa kikanteesjiik i keh.