Gewilde Bybelverse vanaf Mat 18

Deel

Ruum xa aha' pa' kimolom kiib' panub'ihnaal ki'ib' oon ixib'-oq, re' hin wilkiin pankiyejaal pan kixilak, inki Jesús.

Eh i nuq'or taq aweh i wili: Wila' wilik taq kiib'-oq aweh i hat ayu' wach ak'al i neenkian jinaj wach kik'ux chupahqaljiik pan kitiij i xa chib'ih jariik inkaaj kipahqaam, re' QaJaaw wilik cho pan taxaaj nee wo' ruyeew cho keh.

Chalik i Jesús xuyuq'eej ruuk' jinaj i k'isaak'un, xuyeew pankiyejaal, je' wili i xuq'or: Re' hin xti korik i nuq'or taq aweh, wila' ma' xajal taq wach ana'ojb'al, wi ma' xa a'n taq chi je' rukab' i k'isa k'un wili, ma' jaruuj taq naa awokiik pa runimaal rajaawriik i Dios.

Re' i q'e' naa ruye'ariik runimaal wach pa runimaal rajaawriik i Dios, re' i naa ruloch'om riib', eh neerub'an chi je' rukab' i k'isa k'un wili.

Eh awach i ruk'ul ruuk' panub'ihnaal jino'q i k'isa k'un je' rukab' i wili, re' wo' hin kiruk'ul ruuk', inki.

Re' hin xti korik i nuq'or taq aweh chi re' i naa taq aye'em q'ab' i hat chi naa rub'aan ayu' wach ak'al, naa wo' rub'aan pan taxaaj. Eh re' i ma' naa ta taq aye'em q'ab' i hat chi naa rub'aan ayu' wach ak'al, ma' naa ta wo' rub'aan pan taxaaj.

Je' wo' re' i naa rub'anam taq awuuk' i hat i waJaaw wilik cho pan taxaaj wila' ma' nakuy taq ru mahk chu'nchel ak'ux aahermano cha ju'junaal, inki Jesús.

Xa awach i neenq'eb'wik reh pamahk jino'q i nukok'taaq kinimanik weh i ruk'ul naq chi neenb'ak'arik chi ralaq jino'q qamaam ab'aj ke'b'al, eh neenkutarik paruchamiil i palaw.

¿Chib'ih taq inaq'or i hat chi riij i wili? Qaq'or chi re' jino'q winaq wilik jino'q siento rutentzuun, eh neensahchik jino'q chuwach. ¿Mi ma' nee naq i rukanaa' kahnoq panch'ahn i ach jinaj ma' siento eh nenooj chusik'ariik i rutentzuun jinaj?