Gewilde Bybelverse vanaf Yowaane 16

Deel

Mbalomeeye ebiitu ebyo, ko musobole ohuba nʼemiyaaya olwohuba muli bulala ni neese. Hu hyalo huno muja hubonaabona. Aye mugume olwohuba ese panguuye amaani gʼehyalo hino.”

Aye Omwoyo aloma amazima agaŋamba hu Hatonda nʼaliija, ali baluŋamya ohumanya amazima gosigosi. Saaja huloma ebibye hu wuwe aye aja hubalomeranga ebi aŋulira ohuŋwa eyiri Bbaabba. Era aja hubalomeranga ebija hubaŋo mu moni.

Ohwola haati muhiiri husungangaho hiitu hyosihyosi mu siina lyange. Musungenga Hatonda, mulisuna ko mubeere erala basangaafu.”

Aye mbalomera ehituufu ti, hyamugaso eyi muli ti ndi hutiina. Olwohuba singa sitiina, Omuyeedi saaliija eyi muli. Aye singa tiina nja humuŋindiha gaaje eyi muli. Era nʼaliija alirumiirisa abatafugiirira ati epeega yaawe hu biŋamba hu hibi caamu, abalage njʼani omuluŋamu era nʼengeri eyi Hatonda alisalamo omusango.

Olwʼehyo mwesi hino cʼehiseera hyenywe ohunakuŋala aye ndibabona nindi era mulisangaala olwʼohumbona era ŋaŋuma muutu yesiyesi alibalobera ohuba abasangaafu.’ ” “Mu hiseera ehyo, sihiryetagisa husunga hiitu hyosihyosi olwohuba mbalomera ehituufu ti, Bbaabba alibaŋanga hiisi hiitu ehi mulisunga mu siina lyange.

Mbalomera ehituufu ti, ‘mulihubba enduulu era mulirira aye abatafugiirira balisaŋalya. Munahanakuŋale aye ohunakuŋala hwenywe hulibaŋweramo esangaalo.