Gewilde Bybelverse vanaf मर्‌कुस 5

Deel

अनि येसुन होलाइ बलल्‍ते,“नानि, तोर बिस्‍वासिन तुइ बिसेक हक्‍लाछस। ढुक्‍कसिन जा। तोर रोग बिसेक हक्‍लाछि।”

अनि उछि बार बर्‌सदेखि रकत बुहुइनार बेथान दुख पाइलि एउटि बेटि पुनि रइलि। होइनिन धेराइ डाक्‍टरकोनाइ उपचार गरिके आफिसिन हक्‍ल सेब्‍बे धन-सम्‍पति खर्‌च गर्‌लि। तर बिसेक हकइकर साटो झन-झन होलाइ रोगिन च्‍याप्‍तिन जाल्‍ते।

अनि तुरुन्‍तइ होक्‍र रकत बुहुइ रोकल्‍ते, र आफ्‍ने जिउनाइ हक्‍ल रोग बिसेक हक्‍ल होइनिन था पाइलि।

अनि येसुन छुनेनिकर हात आठाइके बाज्‍ले,“तालिता कुमि!” हेक्‍र अर्‌थ हो,“ए छुनेनि, मुइ तुइलाइ बल्‍छु उठ।”

येसुन इत्‍तिके बाज्‍तिन गर्‌तिन याइरसकर घरबान मान्‍छेलत आइला। र याइरसलाइ बल्‍ला, “तोरि बेटेर मरिसक्‍लि, अब गुरुलाइ किनारे बेर्‌थे दुख दिनार?” तर येसुन होल्‍को कुरोलाइ वास्‍तइ नगरिके याइरसलाइ बलल्‍ते,“जुनडाराउ, बिस्‍वास मात्‍र गर।”

किनारइभने येसुन भुत आत्‍मालाइ अगाडि ने,“ए असुद्‌द आत्‍मा, तुइ ह्‍व मानुसबान निस्‍किके जा” बल्‍ल रल्‍ति। येसुन होलाइ सोदल्ते,“तोर नाउँ केति हो?” होइनिन बाज्‍ले, “मोर नाउँ फोउज हो, किनारइभने हाइ धेराइ आछे।”