Gewilde Bybelverse vanaf मर्‌कुस 12

Deel

येसुइ कहिकेभइल, “सभइकते बड्‌क आग्‍या इहइ हखइ ‘हे इस्राएलिसब सुनउ, परमप्रभु हाम्र परमेसोर एक्‍टाइ परमप्रभु हखत। तोइ परमप्रभु आफ्‍न परमेसोरके पुरइ मनसे, पुरइ परानसे, पुरइ दिमाखसे र पुरइ सक्‍तिसे माया करुक्।’ हसे दोस्रा चाहिँ, ‘तोइ आफ्‍न छिमेकिके आफ्‍नके जस्‍नइ माया करुक्।’ इसे कते बड्‌क आग्‍या अरु नइजे बाटइ।”

हसे येसुइ आफ्‍नलघि चेलासब्‍के बोलाइकुन कहिकेभइल, “साच्‍चिकइ मोइ तेउह्रासब्‍के कहतम्, भेठि चाढालार बाकसयँ सभइकते बढि इसे गरिब बिधुइनिइ चाढालि। किकेकने अरुइ त आफ्‍नसाङ धेरइ भइलगुनेइ चाढाल, तर इसे बिधुइनिइ त आफ्‍निक गरिबियँ पुनु सभइ थोक चाढालि बाटि।”

येसु मन्दिरयँ भेठि चाढालाहार बाकस छेओ बोसिकुन, भिडेइ भेठि चाढाल चाहिराख्‍ल रहत। उछिका धनि मानुससबेइ धेरइ-धेरइ पइसा चाढाल रहत। उपाछु एक्‍टि गरिब बिधुइनि पुनु आइकुन ताबोक दुइ सिक्‍का चाढालि, जोक्र मुल्‍य एक रुपियाकते कम रहइ।

उहइगुनेइ ओनेन्‌के पुरइ मनेइ, दिमाखेइ र सक्‍तिइ छिमेकिके पुनु आफुके जस्‍नइ माया करिके नइ सभइ होमबलि र भोकसब कते राम्र हखइ।”

हसे येसुइ उसब्‍के कहिकेभइल, “जोनोकुरा कइसरक हखइ कइसरके नइ देओ, र जोनो परमेसोरक हखइ परमेसोरके देओ।” ओनेन्‌क जबाफ सुनिकुन उसब छक्‍कइ पोर्‌ल।