Gewilde Bybelverse vanaf Joon 11

Deel

Toro kuudoka tovi Jisasol kuudokaikono. “A'mwo abolo me'no bolodupudo tonyu aiyo aiko te modukaiyo'moneyokwe tool nuu kwonyugono. Aki aiyo mujomwekovlaiyo'moneyokwe wiyodowodo tool nuu kwonyugono. A'mwo pwol mino kuudo anubweyo'ji su tool abolo'ji kuvi kuruv aiyo mujomwekovla'mwalonekono. Aki yiuwi'nokai a'mwo abolo ton aiyo kuuno mwalopi mino kuudo anubwepi su ton yiunokuudo mabolpinogano. Guu su toro tovino kuudo dukuubwemwakuno?” Kuudoganokaikono.

Toro kuudoka tovi Jisasol aro kuudokaikono. “Nuvu aro me'no agudumo'guugono. Guvu mino kuudo anubwebi tov Gooti toolluro jurogudo kuunodo tovi noonbino'guugono. Su toro me'no agudumo'guugono.” Kuudokaikono.

Jisasol kumdo adokaikono.

Toro adapiyolo tovi Jisasol wuu'nyuno sumaiyokwe toga aro adokaikono. “Nobollo su tov yiunokuudo bollo'mo'maiyo. Toro kuvi kuruv Gooti toollu ilomoropiyo'moneyokweyokwono. Aki nobollo su tovi'aro nuu Gooti toolluro Kwolaiyo toonyu yovo aguto mallo'moneyokweyokwono.” Adokaikono.

Jisasol toro me'no wuujuno sumaiyokwe toga deko guureji aro adokaikono. “Lasarosoloo, dolokabono!” Adokaikono. Toro adoka toga a'mwo bwiyo tool dukaino sumaiyokwe alokabokaikono. Gamoro suvlato tovake'aro sumdomago tokwe'aro tonyu youro tokwe pweyo amoweyopingiko tool alokabokaikono. Toro lokaboduke toga Jisasol a'mwo abolo tonyu aro kuudokaikono. “Kevu gamoro youro amoweyopingiko ton ikwolapiyopi kado yomollono'moneyokwe doonyapilo.” Kuudokaikono.

Toro te Jisasol aki aiko te jul'nyo bwotonyo ibwosunyuno sumaiyokwe a'mwo buuso toru ai'movokaikono. A'mwo buuso su tov sulo toolluda'ai adovoloumjosungikokwono. Aki a'mwo buuso noullo tovi sulo bwotonyo pweke amomjogurosopokwono.

Jisasol toro me'no wuujuno sumaiyokwe aro kuudokaikono. “Nemi ibwoto'nyo Lasarosol sa kwoso. Sa wo'dowo'jure kwollu kuruv nuvu nomodukaiyo'moneyokwe pla'monyugono.” Kuudokaikono.