Gewilde Bybelverse vanaf Matius 15

Deel

Aʼge re, wene enemde pam en libago ai re, enedemu en ʼgagalogo orlu ago ai enat enebe wiagabenebiso yo. Onogola en wene wiak aʼge eberugulat, aphwami waronobogulat, hwami ap onugwami aʼge ʼbabi tenontogulat, hwelani ʼbabi tenontogulat, yogorlia wogulat, enepenenat is agaikhe wene enebam pogulat, onobok wik-wiaksogo ʼbalugulat, togwi ai re, onogola enat ʼgagalogo orlu agoam libago yo.

“An wene ik aʼge yu his pobi togup en henesaʼgo opsogo hwelit o. Di aʼge yu aʼge enemde loʼgwe ʼgwelabogwi ai en enebe wiagabenebiso erlak o. Aʼge re, enemde pam en wene ogwi ai pamat wiagabenebiso yo,” oluk moʼgulentesi.

Allah en e, Is aphwami yema re, we, enemde pam en nak, an erliknobugulat, enede an nebam eberogwi erlak welat e, momu ebesi lagai o. Wene aphwami eniak aʼgeat de, an en egi aʼge ʼgelaʼge moʼgulontogwi ai en e, we ʼburlat an erliknobogwi o, oluk egeimu, Yesaya en pelal wokho pesimu oruak ano, his henebaget hegitsogoat egei yo,” oluk moʼgulentesi.

Asogo moʼgulesimu, at Yesus en eselat, “Hwe yu nerei yo. Hat en e, At en tua o, oluk hede nebam modok heʼberik pegen ai en e, hede eberigen ai ʼgelaʼgeat hegitsogo obaphebaik o,” oluk osokhwe erianoat agalogo ano op aga.

Asogo moʼgulentesimu oruakhwe, at hwe ano Yesus eʼbek wagarik e, odogorlu pam hweriogo welat hau weriselat e, disogo moʼgulesi, “Eige! Nue. Letniemen da,” oluk iak erlagaik ʼgusogo moʼgulesimu, at Yesus en e, “Malik onsoʼboru aʼge wik-wok, mene nouwagoluk emdema hwikhai loma re, mia o,” oluk moʼgulesi. Asogo moʼgulesimu, at hwe ano en e, “I, nue. Demat egen aʼgeat de, at mene eiye aʼge ai soʼboru e delak pam nasumu, eʼgen ʼgwiangma ʼbelabisoam e, mene ai enat nasu o,” oluk moʼgulesi.