Gewilde Bybelverse vanaf Matius 19

Deel

Yugugu lagagwama, At Yesus il biginugu dugwit, “Anderogo ogarup ako, it avakwa en ogarup mondok meyanat ovara, At Ala en andi, yi menda ndi menda ovok erogo sek adigat ogarup haliga.”

Anderogo yugeragagirikmu, it eneyave mberen dek ovara it ambiat dogosogom. Andi halok, At Ala en mondok-mondok hondabigigirikmu, avakwa en weralogo bisabuk, mondok moga.”

Yugugu lagagwama, Yesus en, “At Ala en o endak erogo yi menda ndi menda ogagya dugwit, ap ogagya, hwa ogagya, ogagagi, yiluk, wene dirup warek ako hit bikhegetek agipik? Eke At anderogo okbugu lagagirik, iri dugwit, ‘Andi halok, ap en asin-isa hekbisiluk ogwa iperen eneyave ambiat akluk, it eneyave mberen ovara ambiat arusogom o,’ yiluk, yagagi dirup warek ako, hit bikhegetek agipik yi?

Mberirugu lagagwama, At Yesus en it yugirigya dugwit, “Hekbisines! At mbogot vaga menda avema bisaup andi, it avyak mariduk yi ndatak atma, An nadema wagusim moga yugerabuk.”

Yogak it ap wisane enendak lendagwi ako andi, hivis arusogom. Eke it ap wisane hivis lendagwi ako andi, enendak arusogom, yiluk, avyarat yukheraliga o,” yugeragagi.

An ninis ombok arupwak yiluk, henawi valek inim, henowa-henaot inim, hinisa-henasin inim, henabut-henogwa inim, heneyavup ogarek inim, ovok erogo hekbaluk wagu hiniselok, avoloma heda nggeralogo 100 hudi wokhirigya dogomindik, mondok-mondok hiniluk dogovovok yiluk, okhinivisogon o.

Yugugu lagagimu, Yesus en, “Avyak. ‘An ap eve sek adigat dogosogon,’ imbita heyalok, hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogirigya dogomindik, ninim nagu dogoguluk, omano.”

Yugugu lagagimu, Yesus en ap ako yugugu dugwit, “At sek adigat agarik ako ambiat hegek, nggarogo yiluk, ‘Sek menda nggarogo ogarik,’ yiluk, An hemetneyaliga? Hiluk mondok dogop menda hedaup, imbita heyalok, yerogo ogarup nderogo ogarup, wene hobalek akoat mondok wane-wane ogagya dogwen.”

Eke, an wene ambi yi yukherayogon. Wam unta eyave ombok hegek, yarum elo maduk vodalekma andi nunggup ndagat ovara, ap ininggis werek halok andi, Ala avema bisaligama nggarogo nunggup erek higi.”

Halok, An wene ambi yukheraliga. Ap saen ogwa ap adik en ogagetek hegek hekbisiluk, hwa adik ambi wigya halok andi, at ap andien hwa endak ako alyak waliga,” yiluk, yugeragagi.

Lagya hegek, Yesus en At ane welagwi menda yugirigya dugwit, “It ap ininggis werek menda halok, At mbogot vaga menda avema bisaligama nggarogo nunggup erek higi, yiluk, avyarat yukheraliga.