Gewilde Bybelverse vanaf Tutura Rasul 2

Deel

Nehono Petrus hi hira, “Kancoromo komi lako dohami pade butu duami kana radiu rara hanga Yesus Kristus, bona Alatala mampa'ampuni dohami pade Nawaika mara komi Inoha to Nagaha.

Natigu dolara nangepe patudu rasul-rasul pade naharora nahiromu. Naharora nangkoni hingkani-ngkani hante notubi-tubi roti nampalinga kamate Yesus pade nohambaya hingkani-ngkani.

Pade humaweera naponu hante Inoha to Nagaha, pade nopamularamo nojarita hante baha-baha ntanina nantuku napa to laipopewai Inoha to Nagaha ee mai hi hira bona raulira.

Ngkali iepera to nomoni ewa ngungu ngolu bohe nanau lako langi. Ngungu ngolu ee nahobo i rara hou to laiponcunaira ee. Laihilora naria baa apu ewa tari dila nehompo rau nentuu i butu-butu duara. Pade humaweera naponu hante Inoha to Nagaha, pade nopamularamo nojarita hante baha-baha ntanina nantuku napa to laipopewai Inoha to Nagaha ee mai hi hira bona raulira.

Nahiromu bo nohangu rara oara butu eona i karawaa Hou Alatala. Nonehambeira i butu ncouna notubi-tubi roti nampalinga kamate Pue Yesus pade nangkoni hingkani-ngkani hante goe pade kalori rarara. Laiunera dola Alatala, pade humawee tauna nampokagoera. Butu eona Pue notambai kadeara hante tauna to laipakahalama.

‘Iwei lolita Alatala, kana madupa mei i eo ngkapurina, Kupopanau Inoha-Ku to Nagaha hi humawee manuhia. Ana-anamu balailo bo bangkele moparata peboha Alatala, tauna to nanguraradapa mampahilo to Kupahiloikara, pade tauna to natuaramo Kuwaika pangipi.

Pade humawee tauna to neparahayaramo nahintuwu moto oara, pade humawee gagu to naria hi hira, laipakera hingkani-ngkani. Nariara to nobalu gagura, pade doina laitirakara hi humawee tauna toto-toto kaparaluara.

Pade hema-hema to mangkio hanga Pue rapakahalama.’

Eo mawali malimau ngkii pade wula mawali malei ewa raa kapomana marata eo Pue, eo bohe to nabaraka.