Gewilde Bybelverse vanaf मत्‍ति 28

Deel

मोडोगे़ॽ खडानिङे चोप जातिहा याॽमिजि चोङ्‌सा टोक्‍सानुमे। माहाजि पाबा निवाहाङ, पसा येसुनुङ पबित्‍रा होङ्‌निवामि निङ्‌बेॽ बप्‍तिस्‍मा पिसानुमे। के़ॽ हे़निङ पिबॽआ चोप आग्‍या पालना ले़टानुमे लुनुङ माहाजि इःडानुमे। खेप्‍सानुमे, का मक्‍खाम्‍डेममि चोप्‍पाङ ए़क्‍साङ्‌ए याकठोक सानिङ हे़निङ्‌नुङ सोरि टुङे।”

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

तर थाङ्‌सिरिदुतडे़ॽ माहा मेॽनामिॽचि लुसुजि, “ए़क्‍सिडानिङे, के़ॽ लेनुङे़ हे़निङ काप्‍सिङ्‌बेॽ सेॽनेबॽआ येसु योक्‍सिॽ लेङ्‌इटानिङे। खोगो इगोबेॽ माॽआये, खोसे़ॽ लुडिडोॽ हिङ्‌बोॽइटे़। आप्‍नुङ खोमि सिगुयाक युङ्‌बॽआ ठाउँ खाक्‍सानुमे!

मोबा येसुडे़ॽ माहाजि लुसुजि, “ए़क्‍किसिसानिङे, खे़ॽनुङ काङ्‌मि निसाजि गालिलबेॽ खे़ॽमेल्‍लो लुबेॽटाजे, मोबेॽ खोजिडे़ॽ का चुप्‍इम्‍मे।”

मोबा एप्‍पा याडाङ्‌बाजिनुङ यहुदि धारमिक नियम इःॽखुबाजि सुम्‍नुङ हागो इमाङ ले़ःॽमे लुनुङ खोजि मोत्‍ता इःसामि। मोबा येःॽमा हुङ्‌घुबा तिरिङ्‌गाजि बेॽलो याङ पिनुङ इडोॽ लुसुजि, “कानिङ इम्‍घे़ॽपॽआ बेलाबेॽ येसुमि चोङ्‌साजि लेन्‍नुङ खोमि सिगुयाक खुघे़टुजि लुमे यो। इगो खा एप्‍पा मायोङ्‌बाडे़ॽ खेम्‍डोक्‍टुहोङ्‌सो कानिङे़ॽ खो लुनुङ हे़निङ जोगा ले़निम्‍ने़ सुरता ए़ले़टानुमे।” मोबा तिरिङ्‌गाजिडे़ॽ याङ लानुङ माहा एप्‍पा याडाङ्‌बाजिडे़ॽ इःॽपॽआडोक्‍नोॽ लुसुजि। मोडोगे़ॽ इगो खानोॽ यहुदिजिमि रुम्‍बेॽ रुक्‍टु मोबा आयुरोसो खोजिडे़ॽ मोडोक्‍नोॽ लुन्‍डुजे।