Gewilde Bybelverse vanaf Mateu 21

Deel

Nazvo zvese zvomunozokumbirira mu mikumbiro ngo kutenda, munozoashira.”

Jesu wakapingura, akati kwavari: “Ngo zvirokwazvo ndinoti kwomuri, kuti kudari munokutenda musikagonondi, amungazoiti icho chega chakaitwa kuno mukuyu, asi pikija mwechizoti kuno iri dundhu, ‘Ibva pano, ukandihwe mu jombe, chinozoitika.’

No mbungano yaifamba pamberi pake, no iyo yaitevera ngosure, yaidanijira, yechiti: “Hosana ku Mwana wa Dhavhidha! Unomuchena uwo unoviya ngo zina ra Mambo; Hosana mudenga-denga.”

Wakati kwavari: “Kwakatahwa kuti, nyumba yangu inozozwi inyumba yo kudira; asi imwimwi mwayita bakho ro mbavha.”

“Bvunjanyi mwana wokaji wo Zioni. Vonayi, Mambo wako unoviya kwouri, uri wakapfava, echigada panyezuru po mbongoro, no panyezuru po tshiru ro chipfuyo cho mitwaro.”

Jesu wakati kwavari: “Amuzivi kutongojija here? Mumatahwa, kuti Buwe iro rakarambwa ngo vavaki, ndiro rakayita soro ro pakhona; ichi chakabva kuna Mambo, nacho chinoshamisa mukuvona kwedu?

Ndizvo ndinoti kwomuri, kuti, Umambo hwa Mwari unozovhiswa kwomuri nahwo hunozopuwa kujinja iro rinobereka michero yahwo.”